JLaw3601的個人專頁

今次食嘅日式居酒屋十分高質，離地鐵站只係10分鐘路程，環境闊離，好適合一大班人坐埋一齊食嘢吹水。必須讚一讚活蜆清酒煮，十分大份，你可以望住一隻隻蜆打開，啖啖都極有鮮味、嫩口，暖粒粒，冬天食啱曬，有清酒香，每粒蜆肉都吸收哂清酒嘅精華。極上和牛蕃茄湯烏冬，一上桌，陣陣蕃茄味撲鼻而來，和牛唔會太韌，牛味出色，烏冬彈牙掛湯，唔會太淋，最驚喜係個溏心蛋。香芋紫薯球，香芋味出眾，煙韌，記得要趁熱食。燒牛舌串，加檸檬汁可以解膩，肉質彈牙，唔難咬。蜜汁墨魚丸，甜甜地，有彈性，表面微焦、脆脆地冬菇串燒以海鹽調味，提升了其風味，口感新鮮且酥脆; 而豬頸肉串燒口感極佳，酥脆可口。蒜蓉燒半殼生蠔，碩大肥美，口感飽滿，蠔肉鮮嫩細緻，令人回味無窮、想一試再試！蒜蓉燒象拔蚌，有陣陣辣味，啖啖蒜蓉香十分令人滿足，而象拔蚌本身都好爽口，值得一試。蟹籽沙律，一上桌個份量就震懾咗我，沙律醬就係靈魂，十分refreshing。帶子刺身，油甘魚壽司，兩樣都新鮮，油甘魚有咬口。…查看更多

位於尖沙咀厚福街，位置方便，環境別緻。叫咗唔同嘢食，不過如果唔食前菜嘅雜菜條就可以叫佢撤走，如果唔係就會收20蚊㗎啦！油甘魚刺身（HKD58）油脂豐富，魚味出眾，十分新鮮，肉嘅。 肉嘅鮮味喺齒縫之間殘留好一陣子。本菇牛肉卷牛油香覆蓋住牛肉嘅表面，本菇爽口，肥牛唔會太肥，可以好好咁試到牛肉嘅香味。酒盜芝士（HKD78）配上酥脆蝦片，忌廉芝士鹹味適中，奶酪味濃，適合送酒。牛肉烏冬（HKD58）烏冬有咬口，湯底濃郁，配埋一齊係絕配，牛肉唔會太韌。自家製豆腐串 木魚碎係佢嘅靈魂，薑蓉係必須，蔥就見人見志；豆腐外層酥脆、食得出佢燒嘅時間有加上汁料，所以非常入味、有煙燻特色。咸牛肉明太子饅頭（HKD38）脆口，咸牛肉同明太子嘅鹹味相輔相成，炸饅頭內脆外軟，滋味十足。廣島蠔串燒（HKD58）蠔味出眾，蠔心嫩口，蠔邊微焦，幾不錯。三文魚雞湯飯（HKD58）粒粒珍珠米吸收哂雞湯嘅精華，十分濃郁；三文魚香都起到一個點綴嘅作用，唔好以為佢細細碗，但實際上可以食到你飽。鐵板柚子蜜牛舌（HKD64）牛舌本身非常厚身，彈牙有咬口，又有微微柚子香，令味道變得有層次；洋蔥十分入味，微甜，同牛舌都好夾。油甘魚鮫（HKD138）比一般鮫位厚肉，蒸氣騰騰，一邊油脂豐富，一邊肉質結實，整體係唔錯嘅體諒。…查看更多

一坐低就有welcome drink: 玫荔堂皇，佢係用荔枝酒加玫瑰茶，配上用茅台浸泡自家製靈芝醬酒，風味獨特，荔枝味幾出，整體清涼解渴，唔會嗆口。另外叫咗靈芝沉香茶，有助眠功效，可以增強免疫力，係呢到嘅自家出品，的確同出面嘅中式茶唔一樣，十分特別。鍋底方面：叫咗靈芝石斟養生鍋，屬於今季新品，有淡淡清香，有輕微雞味，唔會太苦，第一次打邊爐都打到咁健康，好似有痛風都唔需要驚，值得一提係佢每次加湯都會加埋靈芝粉，有豐富靈芝多醣、可以增強免疫力、殺死嘌呤，加上比較簡單清淡嘅湯底都更加可以提出食材香。叫二人餐就有兩款肉類，片片厚身，有咬口：黑豚肉唔羶，肉質唔會粗糙；安格拉斯牛小排牛味出眾，入口即化，以呢個價位嚟講實在係物超所值。套餐可揀黑松露餃，黑松露味出眾，有鮮茹，皮薄，大大隻；墨魚丸，極彈牙、有墨魚味；墨魚滑同中蝦滑都好彈牙，而且不得不提佢真係份量好足！另外嘅蜂巢豆腐都比咗好多粒，粒粒吸收曬靈芝湯嘅精華，超好食。…查看更多

一間老式車仔麵，雖然價錢唔係特別親民，但勝在質素唔差，湯底熬得濃郁、配料新鮮，果然一分錢一分貨。環境寬敞，坐落都幾舒適。湯底係經典嘅味道，叫咗枝竹，亦都果然極吸湯、豆味濃郁。配菜部分：豬耳片薄脆爽口，咬下去喀滋作響，醃製得入味卻不油膩。魷魚圈爽彈有嚼勁，魚蛋Q彈入味，每顆都像小爆珠般飽滿。豬紅大粒有味，煮得軟爛入味；鮮竹魚卷則結實彈牙，魚肉鮮美不散，絕對係中哂我嘅喜好。最後要讚一讚佢嘅幼身賴粉，彈牙有勁道，吸湯後更添風味。另外叫咗兩杯飲品：檸檬百香果蜜，酸甜適中，解渴又開胃，對於食咗成碗麵嘅人嚟講都輕鬆不少。整體來說，這家店勝在用料實在，環境舒適，雖然價錢稍高，但質素都稱得上係唔錯。油菜方面：腐乳通菜咸咸地不辣，乳香撲鼻，菜心脆嫩，簡單卻回味無窮；豉油菜心則清淡不咸，保留了菜本的鮮甜，適合不愛重口味的人。…查看更多

呢間cafe絕對適合覆桌！好欣賞佢環境優雅、舒適，適合放鬆聚會，加上佢嘅音樂都好有品味。前菜叫咗橄欖油帆立貝漬（HKD98），賣相吸引好靚，橄欖油同羅勒嘅風味一接觸到舌尖就強烈綻放，帆立貝新鮮彈牙，淡雅，拍得住omakasa嘅水準，加上有檸檬嘅新鮮酸味，各樣平衡得十分出色。主食 生拆蟹粉北京拉麵 （HKD298）上枱先會用女兒紅去除寒性同提升風味，食落都有淡淡酒香，加上用陳醋提鮮，陣陣酸味中和咗蟹膏嘅膩，十分出色。拉麵有彈性而且偏幼；蟹肉味濃郁、質地結實；蟹粉極度新鮮，澄黃色十分誘人；加上有蟹籽增加口感，令人想一食再食。龍蝦扁意粉 （HKD328）龍蝦汁同蕃茄嘅鮮甜互相碰撞，好有火花、唔膩；扁意粉有咬勁，要讚一讚佢用嘅龍蝦肉：好結實，啖啖蛋白質，唔會太柴。兩杯飲品：Smoothie - Giant Green （HKD78）超級新鮮、refreshing，青蘋果味出眾，有牛油果嘅順滑。Cocktail - Mango sticky rice (HKD108)面頭嘅泡沫有啤酒嘅質感，芒果味濃，有椰香，飲完好似自己置身於泰國一樣，加上酒味唔會好濃，啱哂想微醺嘅你。甜品又係無與倫比咁精彩：70% Nama Chocolate，佢出色在用麻糬皮解咗極黑朱古力嘅膩，麻糬皮有咬勁、配埋濃厚朱古力，完全滿足到我個朱古力味🤩唔會太苦又唔會太甜，加上有芝士味交融，真係會食到嘴角上揚！！強烈建議大家嚟到必試！…查看更多

環境裝修有特色。 座位闊落，有室內室外可以選擇。整體環境都幾企理，食得安心。馬文香料咖喱配蒜蓉包。蒜蓉包蒜香味濃，有迷迭香，非常鬆脆，點住咖喱食都好令人滿足。牛腩肉夠淋唔難咬，咖哩唔會太辣香料味濃有層次，蓮藕爽脆，薯仔鮮甜，茄子入味，仲有埋秋葵做伴碟！豬腩肉生菜包都幾新鮮，豬腩肉肉味重、有咬口，調味啱晒重口味人士，有鑊氣，煎得脆口，其實就咁食都會食得幾過癮。醉鬼炒粿條，有陣陣醋味，彈牙軟糯，微辣，有啲椰菜唔會太膩。香蕉薄餅，外層微脆，又唔會太厚身、唔會食到人好滯，同裡面嘅香蕉有個唔錯嘅融合，加上朱古力醬同煉奶，呢道甜品係好適合作為呢餐飯嘅句號。不過大家要注意用餐時間，因為樓面請你走嘅方式都頗為強硬。…查看更多

叫咗幾款韓式炸雞，整體脆口、十分滑嫩；有芝士粉嘅，芝士味濃、韓式辣醬，刺激微甜，有出面嘅水準。刺身拼盤方面：帆立貝刺身大大粒有咬口、三文魚腩有質感，非常新鮮、各種貝類爽口，有海水嘅香味；黑松露油甘魚壽司，松露味特出，魚香出色。邊爐方面：壽喜燒湯底味道濃烈，十分濃縮、完全唔使點醬，炸魚皮香口，估唔到嘅係美國肥牛，如此有肉味，仲要唔韌，簡直係意料之外。牛油栗米份量十足，粟米甜味出眾。炸吉列廣島蠔，蠔味出色，外層鬆脆。胡麻醬冷烏冬，烏冬彈牙、胡麻味十足，好清新，有解膩之效。鮑汁娃娃菜，唔會太咸、清甜，娃娃菜煮得好淋、夠哂入味。燒物方面：燒牛舌，厚度適中、孜然味出眾；鐵板和牛粒，紅椒味濃，生蒜做點綴有鑊氣。避風塘一口豆腐，比較清淡唔會太膩，份量適中。甜品方面，炸韓式鮮奶，外脆內軟，鮮奶喺麵包般嘅脆皮之下流出，十分誘人，絕對係今日嘅MVP!!!!! 紅糖糍粑，黑糖一咬就爆，外層酥脆，中層有麻糬質感。…查看更多

間係一間喺尖沙咀中達大廈樓上鋪位嘅一間泰國特色餐廳，喺清真寺附近唔算難去，樓上外邊嘅樹蔭有叢林氛圍，好有氣氛。第一個特色菜不得不提佢嘅火山排骨，點火儀式幾有氣氛，3舊骨大大份，兩個人都未必食得哂。骨髓彈牙又有膠質，肉質鬆軟，非常入味，調汁微酸微辣，十分開胃，廚師用咗香茅、薄荷入饌，令本來會好heavy嘅排骨易入口，食極唔膩。另外試咗佢嘅優惠菜式：蟹肉蟹膏炒蛋配薄餅，蟹肉結實、份量十足，炒蛋唔老；薄餅有牛油香、煙韌，食落都幾滿足，加埋炒蛋有特色。另外叫咗佢個蝦醬通菜，唔會太咸，幾大碟，通菜爽脆，咬落過癮。然後有鹽燒馬友，呢個真係唔係到到都有得食，唔腥、入味，醬汁辛口，有青檸香，十足開胃，陣陣鹽香滲入魚肉，同平時蒸魚唔一樣，但魚肉都幾鮮嫩、值得一試。餐飲方面叫咗佢嘅招牌芒果沙冰，芒果味濃；椰汁沙冰，清雅，唔會太假。…查看更多

今次試咗喺尖沙咀厚福街嘅分店，好就腳，環境唔錯。近期接近萬聖節，仲好有節日氣氛！！叫咗兩杯乳酪飲：一杯藍莓、一杯士多啤梨，乳酪唔會太酸，生果味同乳酪味相互平衡，甜味出眾（尤其是士多啤梨味），解辣一流。佢個海鮮辣湯麵好出色，淨係為咗佢嚟食都抵！麵條彈牙，本身以為係坊間入貨嗰隻麵底，但原來同餐牌上面其他嘢一樣全部都係自家製、仲要喺韓國人煮料。所以用料充足：青口打大隻隻、啖啖肉，有大塊魷魚片、大蝦，同埋同佢唔到嘅鵪鶉蛋，十分有特色，湯底微辛唔嗆喉，食得好舒服滿足。不得不提佢新出嘅海鮮玫瑰奶油炒年糕：韓式腸仔加埋芝士有層次，脆皮加上融咗嘅芝士，有奶味香；芝士拉絲、加埋粟米嘅甜味又係另一層次；炸魷魚好大舊，彈牙但唔難咬；加埋玫瑰奶油，味道更加有變化，甜甜辣辣，有陣陣泡菜香，令人想一食再食。必讚係佢嘅年糕，軟糯但唔痴牙，啖啖米香，係傳統嘅年糕風味。魚糕有質感，魚味都有。隱藏帶子有驚喜。更加估唔到係有free photo boxes 同埋個萬聖節活動，食滿500蚊可以有刮刮卡，最高可以中到500蚊餐飲券！#outdarkhk #香港美食 #香港必吃…查看更多

環境闊落、地方整潔，食麻辣燙食得舒服係一大重點。配料粉麵都可以親手夾，樣樣配料都好新鮮。湯底揀咗招牌嘅牛骨藤椒湯，BB辣都唔會太刺激聽講個牛骨湯熬足7個鐘，係用心嘅熬出嚟嘅，味道唔淡，加上藤椒又係不一樣。入門口仲見到有人親手搣藤椒、絕對係手作代表！講下叫咗咩食先：豆卜串、吸收哂藤椒嘅精華，好好食；生菜、娃娃菜新鮮，佢亦都唔會煮到淋哂；米線彈牙；花甲隻隻都有肉冇沙，有啲後悔冇再夾咗幾隻返嚟；估唔到係佢有海鮮菇、鮮甜，有咬口；白魚蛋本身彈牙又軟身、有魚味；港式陳皮魚蛋夠實正有香味，滿足哂食兩隻魚蛋嘅癮！！另外仲有彈牙春卷：十分香口、有甜味，有陣陣蟹子香。適逢舖頭準備推出新產品，墨魚串脆口唔錯、鮑魚彈牙之極，加埋芥末好刺激，同時又有甜醬做下調和，有平衡之和。飲品叫咗兩杯手打檸檬茶，完全唔澀，十分清新，，雖然唔算大杯，但套餐價18蚊一杯係值嘅。…查看更多

去咗旺角兆萬中心嘅日泰放題餐廳，一坐低佢就上咗個茶碗蒸，用料好足，有魷魚仔同蜆肉，面頭有櫻花蝦同蟹籽，可以話係超值嘅茶碗蒸。接住係鰻魚串燒，要讚讚佢條鰻魚唔腥，醬汁調得不俗，食嘅時候小心骨就可以啦！佢另有一個刺身拼盤，有三文魚、帶子、赤貝同埋大量嘅蝦，份量係兩個人都食唔哂。講到燒肉，佢嘅安格斯牛肩胛十分出色，唔韌、又唔會太多肥肉，咬落有肉味、仲有陣陣乳香味，食完想再食。叫咗忌廉青口，忌廉味唔膩濃郁，青口大大隻，好好食、唔爛咬。泰式炸蝦餅，結實，加埋泰式辣醬又係好香口。另外叫咗南瓜天婦羅，清甜唔膩，炸醬唔厚，可以當甜品食。重點到啦！返叫咗幾次冰菠蘿、佢輕輕烤過之後，多咗陣焦香，本身酸甜嘅汁一咬就流出，好解膩，食得出佢菠蘿嘅水準。另一個出色甜品係一口紅豆鯛魚燒，上枱就脹卜卜咁，餡料豐富，外皮香脆焦香，淋上煉乳、有層次，紅豆餡唔會太甜，係一個極好嘅甜品，來到必點！…查看更多

今次去咗深水埗食上海菜，地方都唔細，出菜好快，叫甜品記得叫佢後上。佢嘅晚市套餐好抵食，小菜選擇奇多，重點係份量超級大！我哋叫咗西蘭花炒蝦仁，隻隻蝦仁都好大隻，彈牙、有肉地，西蘭花用蒜蓉炒過，香到食唔停。佢個晚市套餐仲可以+15蚊轉酸辣湯或者擔擔麵，酸辣湯以酸味為主，內有小蝦仁，係有驚喜。另外散叫咗小籠包，大大個，皮薄餡靚，湯汁勁多，一咬就食到豬肉嘅香，手藝的確唔錯，不得不提，佢5粒小籠包都只係50蚊，簡直係最抵食嘅小籠包。至於上海粗炒，抵讚嘅係佢唔會菜多個肉、或者菜多過麵，係三者嘅良好平衡、麵底都唔會話煮得太爛、彈牙有咬勁。紅油抄手，內餡有豬肉味，上面嘅辣油唔係普通辣椒油，係自家用辣椒製，十分有心思，50幾蚊就有8粒，超抵。我哋仲叫咗高力豆沙，係童年嘅味道，紅豆餡甜甜地咁好好味，如果熱食應該會更好味。四喜烤麩，調味平衡，唔會過咸，一粒粒烤麩完全吸收咗醬汁嘅香味。最有人情味嘅位係佢送兩杯豆漿比我哋，好感恩。…查看更多

位於高街嘅一間隱世cafe，見佢餐牌飲品種類多，行過唔係食飯都可以入去飲下嘢🤩！老細仲要有自己出書，文青氣氛加到滿瀉！不過見google同openrice都話佢收1900，但其實星期六日係做到2200！講返餐晚餐，必須要話……估唔到一間cafe嘅餐點可以大份到食唔哂🤣🤣我哋叫咗慢煮雞胸蕎麥沙律，超中份，雞胸有4件，肉質結實，上面有少少調味料吊味；勁多蕎麥，蔬菜材料新鮮，用埋柚子醋夠哂清新！兩個意粉都唔算好貴：冬陰功帆立貝海鮮意粉，用嘅係扁意粉，掛汁，豐富用料有帆立貝、八爪魚仔、魷魚、蝦肉同蜆仔。整體冬陰功味濃郁，微辣但唔嗆口，個醬唔會太稀，加上有甜味平衡，幾特別。魷魚彈牙，唔難咬，帆立貝裙邊微焦脆口，肉質新鮮，八爪魚仔唔韌都好好食。第二個意粉係香煎牛腱板扒蒜香炒意粉，不得不說蒜香勁濃，牛人扒嘅牛油香不俗，肉質都幾冧，不過呢個部位有少少筋就無可避免，但牛味比得上出面食嘅牛排，十分出色。另外叫咗兩杯香蕉牛油果奶昔，奶昔本身好稠身、乳酪味唔重，但牛油果味濃、香蕉味出眾，非常之refreshing。…查看更多

我哋叫咗兩個至尊雙層芝牛堡，兩塊勁厚嘅漢堡扒，真係可以去到肉餅嘅厚度，配合埋自家製嘅漢堡醬唔會太乾，調味唔會太重手或者太咸，但就十分入味，簡直係大滿足；本身想轉竹灰包，但唔記得咗……不過原裝嘅漢堡包有少量牛油、輕輕烘過令到包面幾脆 。我額外加咗燶邊蛋，脆口得嚟又唔會太焦黑，蛋黃唔會太乾，好好食；另外加咗菠蘿，酸酸甜甜咁、好開胃，亦都令個包多咗層次。套餐有跟份量十足嘅薯條，本身佢哋薯條會加辣粉，有懷舊嘅味道同埋十足嘅誠意，辛辣味香，仲中有淡淡嘅牛油香。另外加配咗黑松露醬，黑松露味濃，微酸唔膩；蜜糖芥末醬，唔會太辣，甜甜地幾特別。套餐兩杯飲品：菊花蜜有清涼下火嘅感覺，綠茶味都飲得出，算得上幾出色；蜂蜜蘋果茶有粒粒果肉，整身就清清地、微酸，頗為解渴。另外叫咗小食：魷魚鬚香口酥脆，外脆內軟，有鮮味，稱得上酒樓級數，加埋千島醬就有層次，條條都大大條咁，好有份量、一份都食飽人，必須話冇諗過喺小店會試到呢個質素。另外仲有煙三文魚雜菜沙律，材料新鮮，煙三文魚算得上極多，柚子醋加埋都好refreshing。值得一叫！…查看更多

一間油麻地嘅樓上cafe，環境細細，燈光氛圍特別，稱得上係家庭風cafe。我同朋友叫咗個2人餐，上枱嘅有美式炸蟹餅，呢個蟹柳餅一口一個，食落方便，店家炸得佢外皮香脆，內層鬆軟，有少少彈牙唔乾口，點埋佢個泰式甜辣醬，味道嘅層次又再提升一級。另外有個10吋至尊辣肉腸pizza，個餅底唔會太厚亦唔會太乾，算得上比較鬆軟，可能同佢用嘅意大利麵粉有關；加上芝士味濃，蕃茄醬新鮮，辣肉腸份量足，絕對食得過。另外今日叫咗兩杯飲料來試試，分別是朱古力沙漠和綠茶紅豆。朱古力沙漠的朱古力味非常濃郁，而且還加了朱古力碎，視覺效果和口感都超特別的！綠茶紅豆的綠茶味不會太苦，甜度出眾，非常適合喜歡喝甜飲的朋友。最後個意大利飯粒粒分明，松露味唔會太濃，適合清淡口味嘅朋友。…查看更多