富仕葡式美食 (已結業)

黎澳門當然要食葡國菜啦，見唔少澳門當地人推介食呢間價錢又合理，就試試佢啦～ 聽講店舖唔大又唔少人食，就預早社交平台inbox佢地訂位咁就唔駛驚無位要排隊啦呢間有兩間分店，我就去左氹仔分店，我想推介今餐最好食嘅葡式白酒檸檬炒蜆。❤️ 葡式白酒檸檬炒蜆炒蜆份量足，身為愛蜆之人見到雙眼發光🤩 每隻蜆唔細隻厚肉，平時食開豉汁炒蜆，呢款蜆煮出黎比較多湯汁，微酸嘅汁料帶出蜆肉嘅鮮甜，味道調較不錯有層次，唔係平時經常食到嘅味道，食到唔停口連湯汁都忍唔住飲埋😂燒雞釀飯同鮮忌廉薯蓉焗馬介休係呢間餐廳招牌，好多人推介，我地當然都有點黎食啦，但就有少少失望，可能薯蓉同酸甜蕃茄炒飯唔太啱我口味，所以喺呢到唔多介紹啦，想知多d可以睇下其他食評介紹。