影片
以上資料只供參考, 請與餐廳確認詳情
黎澳門當然要食葡國菜啦，見唔少澳門當地人推介食呢間價錢又合理，就試試佢啦～ 聽講店舖唔大又唔少人食，就預早社交平台inbox佢地訂位咁就唔駛驚無位要排隊啦呢間有兩間分店，我就去左氹仔分店，我想推介今餐最好食嘅葡式白酒檸檬炒蜆。❤️ 葡式白酒檸檬炒蜆炒蜆份量足，身為愛蜆之人見到雙眼發光🤩 每隻蜆唔細隻厚肉，平時食開豉汁炒蜆，呢款蜆煮出黎比較多湯汁，微酸嘅汁料帶出蜆肉嘅鮮甜，味道調較不錯有層次，唔係平時經常食到嘅味道，食到唔停口連湯汁都忍唔住飲埋😂燒雞釀飯同鮮忌廉薯蓉焗馬介休係呢間餐廳招牌，好多人推介，我地當然都有點黎食啦，但就有少少失望，可能薯蓉同酸甜蕃茄炒飯唔太啱我口味，所以喺呢到唔多介紹啦，想知多d可以睇下其他食評介紹。
繼續閱讀
來澳門, 吃葡國菜仿佛是指定動作。見某媒體介紹過此店, 價格親民, 決定一試。媒體提示要先訂座, 真的不假, 當天晚上由約8時至10時, 店外均有等候的人, 沒訂座又想吃的唯有耐心等待。燒德國鹹豬手配黑椒醬汁 MOP118豬手皮燒得脆卜卜, 肉質軟諗, 膠質重, 甚是養顏。富仕燒雞釀飯 MOP148燒雞原隻奉上, 待客人拍照後會為客人切開。燒雞釀的是西炒飯, 雞皮香脆, 薄薄一層包著飯, 雞身另一面有少少肉, 肉質雖偏乾, 但西炒飯少少油, 兩者相互補長短, 油得有道理。車打芝士蜆肉焗飯 MOP80焗飯材料豐富, 充滿雞蛋, 紅蘿蔔, 西芹, 青椒和蜆肉。 焗飯雖偏濕, 但香口。薯絲炒馬介休 MOP118薯絲炒馬介休加入葡國臘腸用來調味, 臘腸味道香濃, 有點妹仔大過主人婆, 要挑出臘腸才吃到馬介休的香味, 整體有點油膩。葡式白酒檸檬炒蜆 MOP103白酒檸檬汁香甜, 蜆無沙, 整體味道不錯。
繼續閱讀