葡富軒

營業中

休息中

一直想試吓正宗葡國菜，今次黎到澳門終於可以試下😍餐廳環境舒適，充滿異國風情，仲有啲懷舊嘅裝飾，好有feel😍菜式選擇多，由海鮮到甜品都有，仲有主廚推介嘅特製菜式，真係令人期待！😆🦀主廚特製蟹肉釀蟹蓋一上枱已經被佢嘅賣相吸引，蟹蓋釀滿蟹肉，仲有少少芝士焗到金黃色，香氣撲鼻😋 蟹肉鮮甜，配上微微焦香嘅芝士，口感豐富，每一啖都係滿足！👍 🍄特製蘑菇燴飯蘑菇燴飯嘅香氣好濃郁，一上枱已經聞到蘑菇同忌廉嘅香味😍飯粒煮得啱啱好，軟硬適中，吸收晒蘑菇同忌廉嘅精華，每一啖都好creamy！😋🐟忌廉焗馬介休 - 葡式鱈魚白醬風味馬介休係葡國菜嘅經典，呢度嘅版本用咗忌廉白醬焗製，味道濃郁得嚟唔會太鹹😋鱈魚肉質嫩滑，配上忌廉白醬同焗到微焦嘅表面，口感層次豐富！😍 🍮葡式脆皮焦糖雞蛋布蕾甜品控一定要試！一上抬就有點火環節睇😍等火焰熄滅後，食落第一啖焦糖表面脆脆哋，輕輕一敲就裂開，下面嘅布蕾滑溜得嚟蛋香濃郁😋甜度適中，食完主菜之後嚟一份，真係完美嘅結尾！😍