影片
更多
2010-07-06
71 瀏覽
上回講到小弟行完黑沙海灘, 食完肥佬串燒之後, 去左威斯汀酒店行左個轉, 現在繼續講之後去法蘭度開餐。是日天氣相當之熱, 所以決定由酒店乘坐的士出番去法蘭度。由於係父親節的關係, 塞車都塞左20分鐘至去到。大約5時半到達, 入到去有個外國人叫你入去大廰自己搵位坐, 入到去就有位阿姐接力, 指定你要坐邊度就邊度, 無得自己選擇, 見到無冷氣之餘, 樓頂上把釣扇好似就黎死咁, 氣弱猶絲咁Hea下Hea下, 風都無一陣。我話好熱呢, 可唔可以坐窗口位咁呢? 得到的答覆是: 不可以, 你坐呢度啦。唉, 專誠而來, 而你又咁有堅持, 小弟只好忍你一次, 鬼叫係我主張黎你度食, 女友本身就一百個唔願意入座, 實在太熱太熱啦, 點解你間舖熱成咁架?小弟心諗: 睇你有幾好食, 係咪咁巴閉, 一派唔優做, 正一你食就要聽話坐低, 唔食就過主, 行番出去的態度。坐低, 另一個老老地的四眼中國藉阿姐走來, 黑著面的遞來兩個餐牌, 問曰: 食乜嘢呀?小弟心諗, 我睇都未睇又點知叫乜好呢？是故請佢俾小小時間我, 一陣自會叫佢。佢就玄檀咁面粒聲唔出行咗開去。熱, 好熱, 加拿大汗出如漿。小弟都有做過功課, 知道法
是日天氣相當之熱, 所以決定由酒店乘坐的士出番去法蘭度。由於係父親節的關係, 塞車都塞左20分鐘至去到。
大約5時半到達, 入到去有個外國人叫你入去大廰自己搵位坐, 入到去就有位阿姐接力, 指定你要坐邊度就邊度, 無得自己選擇, 見到無冷氣之餘, 樓頂上把釣扇好似就黎死咁, 氣弱猶絲咁Hea下Hea下, 風都無一陣。我話好熱呢, 可唔可以坐窗口位咁呢? 得到的答覆是: 不可以, 你坐呢度啦。
唉, 專誠而來, 而你又咁有堅持, 小弟只好忍你一次, 鬼叫係我主張黎你度食, 女友本身就一百個唔願意入座, 實在太熱太熱啦, 點解你間舖熱成咁架?
小弟心諗: 睇你有幾好食, 係咪咁巴閉, 一派唔優做, 正一你食就要聽話坐低, 唔食就過主, 行番出去的態度。
坐低, 另一個老老地的四眼中國藉阿姐走來, 黑著面的遞來兩個餐牌, 問曰: 食乜嘢呀?
小弟心諗, 我睇都未睇又點知叫乜好呢？是故請佢俾小小時間我, 一陣自會叫佢。
佢就玄檀咁面粒聲唔出行咗開去。
熱, 好熱, 加拿大汗出如漿。
小弟都有做過功課, 知道法蘭度出名屈人錢, 唔會俾水你飲, 但翻來翻去張所謂餐牌(一張硬卡紙, 底面印字), 都搵唔到飲品。
問佢有無Drink list, 佢又好唔好老黎咁答, 咁你想飲乜吖?
真係想問佢: 咁珍珠奶茶你有無吖? 不過算, 我忍你, 請問有乜嘢飲品呢?
答日: 都係汽水, 同水囉！(真係答得絶…死未…)
望下後面枱有渣紅紅地, 又有少少水果, 問佢係咪紅酒? 點賣法?
答: 哦！葡國酒呀！一渣渣賣, 你要幾多渣吖? 定係半渣吖?
得小弟會飲酒, 女友又唔飲, 只好放棄。想幫佢要支水, 但只得大大支1.5公升。
算, 我至多食完行出去士多食雪糕, 係都唔幫襯你, 謀人寺吖拿。
點菜, 因為太早用餐唔係好餓, 放棄了燒乳豬, 改要了燒鵪鶉, 菜湯和炒蜆。
湯先來, 無味…@_@...真係一D味精, 鹽或豉油都無落, 真正無味的湯, 有少少蔬菜味咁囉。
炒蜆, 無沙, OK, 個汁其實一般, 帶有少少白酒味, 都過得去。
燒鵪鶉, 有三隻, 係燒得幾好, 好入味, 不過食完十分口渴。碟底有薯條跟, 係幾香脆(襯熱食的話), 凍了就軟弱無力, 絶對唔好食。
麵包, 送的(應該係餐費已入帳, 佢無咁好死的), 食落外脆內軟, 是不錯的。
小弟由入去坐低至食完走人, 身上衣物完全未曾乾過, 一路食一路流汗。窗外又無風吹入, 真係焗爐一樣, 食完無中暑都算係孰番身彩。
埋單記得係二百幾, 唔值。
無冷氣, 風扇又嬌柔無力; 環境差, 熱到嘔如焗桑拿; 服務亦差, 個個店員都黑口黑面, 叫又唔多應, 叫多聲以為佢聽唔到就俾佢喝番轉頭, 真係貼錢買難受。食到隻碟滿哂蜆殼都無人換碟, 正一話之你。
此店仍係小弟自出娘胎以來, 幫襯過最差服務而又食得最辛苦之食店, 真係山長水遠誠心而來, 掃興而回。收得咁上下價錢, 應該在食物, 環境或服務上有番咁上下水準至係波, 真係唔明佢係咪做生意o既, 定係立心同食客過唔去。
小弟決定唔會再來, 直到永遠阿門。
張貼