葡富軒

營業中

休息中

Weekend同朋友去左澳門玩，難得黎到當然要試下地道葡國菜啦。係氹仔舊城區搵左間葡國菜餐廳，睇網上評論呢間「葡富軒」評價不錯，一於試試佢。第一次食葡國菜，果然唔錯，十分有驚喜！什錦海鮮拼盤海鮮種類好豐富，有大蝦、青口，魷魚，帶子，和蜆肉等，食材新鮮，鮮味十足。薯絲馬介休薯絲炸得外酥內嫩，馬介休的鮮甜與薯絲的脆感形成完美對比，有驚喜！葡式白酒風味什錦海鮮扁麵海鮮份量十足，配料豐富，有鮮蝦，魷魚圈，蜆肉，鋪滿整碟扁意粉。白酒味道非常獨特，令海鮮鮮味更昇華！扁麵煮得恰到好處，好有嚼勁，而且很掛汁，每一口都充滿白酒香氣，與海鮮搭配非常和諧。葡式脆皮焦糖雞蛋布蕾布蕾面層灑滿糖粉，上桌即場用火槍炙燒，打卡一流！布蕾表面燒得焦香酥脆，內裡的布蕾細膩綿密，蛋味香濃，軟滑口感與面層焦糖的脆甜形成絕佳搭配，每一口都充滿幸福感。