葡景軒

營業中

休息中

今日同朋友去咗澳門氹仔嘅葡景軒，門面唔算起眼，但入到去就知揀啱地方！裝修行簡約風，牆上掛住啲葡國瓷磚畫，幾有異國情調🤩先上枱嘅係白酒煮蜆🥂好香嘅白酒同蒜蓉味～蜆肉粒粒飽滿🐚咬落去鮮甜多汁，個汁撈埋麵包食真係無得頂😝跟住係葡式海鮮湯飯🍛橙紅色湯底望落好濃郁😋飲落有啲似龍蝦湯，但多咗陣番茄嘅酸甜🍅海鮮料好足，有青口、蝦同鱈魚🦐最正係啲飯吸晒湯汁，但又唔會太淋，口感啱啱好👌🏻主菜葡式辣醬烤雞配地瓜條有驚喜！辣醬唔係死辣，而係帶少少甜同香料味，雞皮烤到好香脆，肉質依然嫩滑🐔地瓜條外脆內軟🍟整體來講，葡景軒嘅份量夠大，兩個人食到捧住個肚走🤰🏻服務都幾貼心，侍應會主動介紹菜式。埋單人均200MOP左右💰喺澳門食到咁高質嘅葡國菜算係好抵！