金燕西洋牛油糕葡式食品

營業中

休息中

黎澳門之前已經做過吓research，唔想豬肉乾嗰啲做手信咁行，搵到呢間叫金燕既鋪頭 新聞都有講過招牌係賣牛油糕，而整牛油糕既程序係非常複雜，有人用高價買配方，老闆都堅持不賣咁樣。喺市政廳附近搵到金燕，其實都幾格攝，行到身水身汗，行斜坡都有啲辛苦咁一入到去都幾熱架，辛苦哂賣餅既伙記 入到去有得試食，伙記太忙 我地問准佢之後就自便喇，個人覺得松子曲奇最好食，其實個底係蟲仔曲奇黎，不過加左松子，有多一份香。本身既牛油味極濃，唔係平時食開既牛油味黎，但好食。非常非常鬆化；心形同蟲仔朱古力曲奇唔甜，不過唔夠就咁牛油味咁鬆化；心形抹茶味曲奇都幾重，不過略嫌太多芝麻。最後買左一百蚊四盒既禮盒裝，反而抵啲。