葡富軒

營業中

休息中

真係好耐都冇嚟過澳門，難得有朋友搬咗過嚟澳門返工，所以今次就特登過嚟探佢，搵佢一齊飲飲食食，朋友就話預早book咗呢間餐廳，嚟到之後真係覺得有驚喜，首先就係呢度嘅裝修都好有葡國特色，尤其是好鍾意佢呢隻酒紅色嘅主色，加埋入邊裝修都係行懷舊風，完全覺得勁正！食物方面亦都相當出色！前菜要左主廚特製蟹肉釀蟹蓋，呢個真係無敵好食，勁Creamy，好多餡料，用嚟沾脆脆嘅麵包真係一流！炒豬肉配葡蜆伴馬鈴薯都好出色，夠味但係又唔會太鹹。主菜就梗係要咗最經典嘅葡式烤乳豬同葡式經典椰汁非洲雞，兩個都真心勁好食，完全唔會鞋！甜點就要左個火焰橙酒班戟，呢個用嚟打卡一流！