美麗華餐廳

營業中

休息中

一行4人，安排玩兩日嘅第一日晚餐係呢間餐廳解決，之前一星期，我已經通過email訂好枱。去到澳門，有當地朋友揸車帶我周圍玩玩食食，已經食唔停，到晚餐時間，佢送我哋到呢間餐廳後就離開，其實如果自己去呢間餐廳都唔算難揾，坐巴士係鷺環海天酒店（舊威斯汀酒店）站落車，因為我哋食完要自己解決離開返金沙城住，所以一早做好攻略，係巴士站旁有個鈄路行落去就係餐廳。言歸正傳，入到去無耐就嚟一大籃麵包比我哋，又因為我哋成日食唔停，為免浪費，我叫佢攞返起一半，因為我怕食完麵包都飽晒。我哋叫咗網友話必食嘅「海鮮湯飯」、「八爪魚沙律」、同「炸馬介休」，個海鮮湯飯真係正釞分量真係超大，我哋4人，總共分咗成10碗，都剩返1/4左右份量食唔晒，個八爪魚沙律夠新鮮，炸馬介休球係我係澳門食咁多間葡餐最好食嘅一間，真心推介！食飽飽後離開就行返斜路上去馬路邊，如果去金沙城都唔使過對面馬路等車，有兩班車可以到，我計過約廿分鐘可以到巴黎鐵塔🗼，其實都算方便。