影片
開飯介紹
泰式火鍋放題餐廳，逾90款食材及飲品可任飲任食；湯底主打數泰式口味，更設有一人一鍋可供選擇。
繼續閱讀
營業時間
今日營業
11:30 - 23:00
星期一至四
11:30 - 22:30
星期五至六
11:30 - 23:00
星期日
11:30 - 22:30
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
有關獎賞計劃
路個亞太中心有個姐姐派傳單，見到呢間新開嘅「泰金鍋」 泰式🇹🇭火鍋放題幾特別又幾抵食，一於試吓啦. 原來佢哋旺角同荃灣都有分店㗎，今次插旗觀塘，九龍東嘅朋友又多個選擇. 晚市有三個套餐都係食120分鐘，價錢平日由$268 至$328 不等，7:30前埋單仲有早鳥優惠每個餐每人平多$30‼️我哋叫咗中等價錢呢個set B 澳洲產下肩胛肉眼餐，除咗套餐食物可以手機落單任點，自助區仲有超過80款美食、配料、甜品等，而且日日款式都唔同. 飲品櫃選擇超多最特別就係有自家製泰式奶茶同埋香茅水❤️ 想開胃就先食下沙律. 炸物區大推泰式豬皮、蝦片. 熟食區有肉碎生菜包、蒲燒鰻魚、海南雞、炒花甲等等. 點心蝦餃同小籠包都唔錯. 至於火鍋配料區呢都幾豐富，有好多蔬菜、菇類、丸類、麵食，有新鮮蟲草花夠健康. 醬料區超豐富有冬陰功醬好特色. 中上價位兩個套餐包咗前菜三選一，可以揀烤魚煲、雞煲或者撈起. 我哋叫咗呢個好鮮嫩炙烤魚煲. 醬汁好惹味，魚肉嫩滑. 食完可以選擇直接加湯打邊爐，或者可以免費轉八款基本湯底，有四款泰式選擇，今次我哋清清地就選咗檸檬青茅，真係第一次食呢款湯底. 肉類就有三款包括肩胛肉眼、牛胸腹、豚梅肉，有肉味又新鮮. 海鮮類有六款，沙白、扇貝、墨魚滑、墨魚仔、水魷、花甲，質素唔錯幾新鮮亦冇咩沙. 炸物有七款，個人大愛泰式榴槤炸彈，蝦餅都好彈牙. 等個湯底吸滿食材精華，落返個泰式米粉就最正啦. 食飽飽最後唔少得甜品. 🔥DIY棉花冰一定不能錯過，好多配料而且唔少仲充滿泰國風味. 另外都有雪糕雪條同西米椰汁糕. 健康啲食水果.✅最驚喜嘅係臨走店員叫我哋follow佢哋社交媒體就即刻有個⭐️靚靚帆布袋，裏面仲有神秘禮物，好驚喜. 門口仲有估泰文遊戲添，估中仲可以當錢用㗎，真係有得食又有得玩.
繼續閱讀
呢間以泰式火鍋放題著稱的餐廳，特別吸引我的是其「即撈海鮮」體驗。餐廳內有活蝦池，顧客可以親自撈取新鮮海蝦和鮑魚，味道亦特別鮮甜。湯底方面，青檸椰奶雞湯和冬蔭功好有特色，青檸椰奶雞味道特別濃郁！除咗鍋式，還有五選一泰式名菜，泰烤金魚煲及農家回味雞煲最為吸引，唔食辣亦可點風生水起秘撈雞🤣晚市的放題選擇多達120款，有9款煲仔飯揀，仲要即點即煲🔥，超級香口！ 另外包括冬蔭公海鮮湯、蒸點心、泰式牛肉、辣魷魚、海南雞等，甜品就有DIY的綿綿冰、椰汁西米糕等，各種泰式甜品。 亦有泰式綠奶茶、香茅水等！ 放題價格由$228位起，選擇的多樣性和性價比相對不錯。
繼續閱讀
成日食火鍋放題 但多數都係日式台式今次試下泰國主題嘅火鍋任食由湯底到熟食甜品都有好多東南亞嘅選擇仲可以喺魚缸自己撈生猛海蝦同鮑魚添晚市268起就可以任飲任食120分鐘 正呀首先有名菜五選一 有幾款雞煲烤魚可以揀我地揀左風生水起秘撈雞 好有新加坡feel湯底有4款東南亞湯底同4款日式選擇我揀左馬來娘惹叻沙 少少辣幾重椰香幾惹味自己撈海鮮真係好好玩 鮑魚幾大隻肉質嫩滑彈牙海蝦好生猛 撈嘅時候要小心整濕衫呀火鍋料掃QR code落單 自助區都有唔少選擇落單食物當中 煲仔飯系列同串燒真係正我叫左農家雞粉絲煲 熱辣辣味道又惹味人多可以試多幾款 全部都好吸引泰式鳳爪同木瓜沙律真係風味十足 越辣越想食甜品除左各式雪糕雪條 仲有泰式糕點食完真係大滿足呀
繼續閱讀
今次食泰式火鍋放題，我哋叫咗澳洲產下肩胛肉眼餐，仲可以即撈活蝦及鮑魚，cp 值極高👍打邊爐之前，我哋叫咗藤椒烤魚，豆腐卜喺魚嘅下面，吸晒所有精華，帶有小小辣，好惹味🩷火煱係1人1鍋，我哋揀咗冬陰功、膠原豬骨湯，檸檬香茅鍋！肉類有下肩胛肉眼、牛胸腹羊、豚梅肉等等..全部都好高質，好嫩滑💕小食好多選擇，泰式鳳爪、木瓜絲沙律，點心、仲有泰式嘅串燒，泰式海南雞都好好食😋仲有煲仔飯，我見每一抬都有叫到，但係我哋太飽，所以冇叫到😅飲品有泰式奶飲品、罐裝飲品，仲有有好多唔同嘅甜品選擇，最特別係可以玩自製嘅棉花冰，仲有好多配料可以加👍
繼續閱讀
嚟到觀塘食泰式火鍋放題，最正係我地叫Set B 澳洲產下肩胛肉眼餐就可以親自捉鮑魚海蝦！ 自助區除咗有火鍋配料，仲有點心、湯、熱食，泰式海南雞、黃咖喱都有。飲品有罐裝飲品，仲有自家製嘅羅漢果水，泰式紅綠奶茶，好多款式仲會轉款！ 餐前先食「風生水起秘撈雞」，將芫荽、蔥、洋蔥、花生、芝麻撈埋一齊食好香！ 仲有農家回味雞煲、濃湯花膠雞煲、特色泰金烤魚煲、藤椒烤魚煲可以揀！ 然後食火煱啦！ 火煱揀左一人一小鍋，冬陰功、膠原豬骨湯。肉類海鮮、炸物串燒，都可以QR code落單。下肩胛肉眼、羊肩肉、牛胸腹、豚梅肉都好嫩滑。沙白花甲都要追加！ 煲仔飯有九款可以任食我就揀咗「金銀蒜開邊蝦煲仔飯」一打開蓋超香呀！ 甜品區，有雪糕雪條、紅綠豆沙、泰式甜品，仲有綿綿冰機，整完綿綿冰可以加好多配料！
繼續閱讀