祥記麵家

營業中

休息中

同男朋友去澳門兩日一夜，印象中以前食過祥記麵家係好食，所以隔左8-9年都決定再去食過。一入鋪，都較多人，只剩一張枱，座位較窄。叫返個招牌蝦籽撈麵。麵身有啲乾，蝦籽味亦不突出。平平無奇沒有驚喜既感覺😕男朋友就叫左牛腩撈粗，佢話粗麵overcooked, 過淋。牛腩就夠入味亦唔會鞋口。雲吞亦都是無乜野特別，普普通通。最後要講講呢個薑蔥灼魚皮，我記得8-9年前最驚喜我既係呢個魚皮，但事隔多年再黎食最令我失望既都係佢😢以前食 記得係好爽口，食完一塊要接住食第二塊！但而家啲魚皮一啲都唔爽口，又有啲啫喱狀🥴完全唔係我想食既魚皮😫食左一塊就唔想再食，男朋友局住要食晒😂我地食到一半聽到隔離枱都order薑蔥灼魚皮，然後落單個姐姐細細聲話「今日啲魚皮唔係咁新鮮喎」我唔知佢係無晒魚皮先咁同個客講，定還是真係唔新鮮，總之都係失望😞埋單$145😕以後都不會再來了。

嚟澳門賭博嘅同時，當然唔可以敷衍對待三餐，於是乎Open rice推薦呢間店，結果價格有D貴，口味實在一般，唔明點解多數都係本地人嘅地方可以評到呢個分數，水分太多

黎澳門玩,見到有d食評話呢度好食,價錢又相宜,膽粗粗試下,叫咗個薑蔥蝦子撈麵,豬手撈麵,一個炸鯪魚球,一碟油菜,樣樣野都超少...小朋友食都唔夠飽果隻,而且質素比香港任何一間麵店都不如,蝦子唔夠香/又冇咩薑蔥味,麵又唔爽口...實在令人好失望...連強國遊客都表示好難食..真係可悲.------------------------------

我係一名遊客，最近與家人去澳門周末渡假，周遊尋覓美食。在個人喜愛麵類食物，行街見這間出名蝦子撈麵，決定入去試試未入先要排隊，隊左半粒鐘左右，都算快就入店內，先睇環境就眼看，坐滿人，坐位距離比較細，坐得迫，近乎沒有走路位我同家人都叫左4個蝦子撈麵，十分鐘就來，麵上滿滿蝦子，但沒有葱，要求店員加回，先試一下，入口沒有香味，麵質偏淋，覺得失望，不似預期 沒有放煎香油，蝦子沒海味香味，麵口感不是彈牙，爽口的由生麵煮熟，係預先蒸煮乾麵餅感覺 ，差

從澳門朋友得知有一間懷舊又地道的麵店，今次去澳門必定要試試。新馬路有很多食店，但祥記麵家真是一流👍🏻點了招牌的雲吞湯麵、牛腩湯麵和魚片湯麵。三碗麵都煮得非常出色，特別喜歡食爽口的麵條🤤雲吞大大粒和有鮮甜蝦，牛腩肉質嫩滑。湯味濃郁，食一口麵，飲一口湯，整碗麵非常完美😍價錢物超所值，每碗只是$32😳環境乾淨整潔，還見師傅細心準備食材😉這間CP值極高的麵家，食過翻尋味，是去澳門的必食之選🙌🏻

祥記麵家應該大部份香港人都聽過，佢嘅蝦子真係好香，麵底都係唔係一般嘅鹼水麵二喺香港絕無僅有嘅竹升麵。今次介紹返佢嘅咖喱牛腩撈麵，香辣入味之餘牛腩亦都好稔身，不妨孝慮唔好去以咖哩嘅鋪頭食，試吓呢間。蝦子撈麵呢啲嘢唔使介紹啦，佢撈麵個湯底亦都好香蝦子味鹹鹹香香，同佢普通雲吞麵湯底係唔同嘅。蝦子亦都一啲都唔腥。雲吞麵就真係老實講好普通啦，佢啲雲吞係舊式雲吞細細粒啲肉好實，個皮唔係好滑可以唔使食。最好食嘅都真係嗰個酥炸鯪魚球，本人就好唔鍾意鯪魚嗰陣土味嘅但係佢炸漿將真係做得好好，炸香完之後仲有啲就好似脆米嘅嘢包住。加埋佢嘅蜆介食真係好滋味。佢成間鋪頭都真係好過癮架，鋪頭細細唔係坐都好多人不過都客如輪轉。好有懷舊feel賣嘅係支裝汽水之餘，後邊總會有人即場喺度啄雲吞料。

繼續海外工作既夜間覓食系列，今次既主角，係位於新馬路附近既《祥記麵家》~~~祥記麵家位於福隆新街，附近除左有多家著名肉乾店、甜品舖（如杏香園及保健）外，日間仲有同樣出名既肥仔記~~~祥記能夠係福隆新街屹立多年，就自然成爲當中既老字號~~當晚由於已經過左食飯時間，店内人客唔多，店内多年黎始終維持簡約裝修~~甘又係，食物質素先係最重要~~~場内餐牌同樣簡約，款式方面，祥記就特別推介蝦籽撈、酥炸鯪魚球等~~~雲吞水餃麵$52 - 本來一碗雲吞面只係$32，但當晚實在十分肚餓，所以先變雙拼(+$10)再加底(+10)~~~先試一啖湯頭，湯頭很清，唔太食得出有味精味，飲完亦唔會需要不停灌水~~~當晚麵質稍微淋左少少，但咬落去仍然可以感受到一定彈性~~雲吞同水餃大小適中，皮薄料鮮~~~蝦仁十分爽口~~~一碗麵連油菜埋單$69，作爲一家老字號，祥記雖然未必可以比到你驚喜，但食物質素一定不會令你有失望既感覺~~~

今日懷著開心既心情經港珠澳大橋去澳門，去到已經係中午，一心諗住去祥記食佢地出名既蝦子麵、炸鯪魚球同灼魚皮！好快蝦子麵同魚皮就到，差不多食曬都未見炸鯪魚球以為阿姐落漏咗單，於是用好平常既語氣問：阿姐，請問個鯪魚球黎未呀？點知個阿姐用好無禮貌同好差既態度同我講：炸緊係要時間架啦！唔通即刻上比你呀！我個刻火都黎埋，之後講一d禮貌都無，有無搞錯呀！😡😡😡我同自己講一定一定唔會有下一次!!! 你做遊客生意點可以咁無禮貌??? 知唔知顧客永遠是對的！而且佢既價錢又唔係平，我除了食你d野仲買埋你地既服務態度！之後又有客人問那個阿姐野，我聽到佢都係用好無禮貌既態度回答客人。總之以後都唔洗指意我會再幫襯，請我都唔會再黎!!! 😡😡😡

第一次來到祥記麵家，當然要試一下最招牌的蝦子麵。顧名思義就是蝦子醬撈麵，這個面是用了蝦子醬，再加入麵內撈岀麵。蝦子味很濃郁，而且真的有一粒粒的蝦子在內。再配合蔥花一起食用 ，味道變更特出。麵條🍝十分彈牙，還食得岀是手打的！至於雲吞麵，清湯並不鹹，又沒有味道，就算把整碗飲光了，都不會邊飲湯邊飲水！雲吞更是真的有全隻蝦，蝦🦐很新鮮，是店員每天親手包的💯

記得細個跟阿爸阿媽去澳門，一定會帶我周圍去食好嘢！其中一間必去嘅係祥記麵家。今次嚟澳門玩兩日一夜，又再重遊故地嚟祥記！嚟得祥記，大部份人都會叫佢哋嘅招牌蝦籽撈麵，我梗係其中一份子啦！祥記麵家嘅竹昇麵仲仍然係人手製，一路食一路望入廚房都見到有伙記喺度造麵。造出嚟麵條夠晒彈牙而且無檢水味，而蝦籽都好香又無腥味，再加埋薑蔥嘅香味，我個人嚟講就覺得唔錯！我相信我咁鐘意食祥記嘅其中一個原因係有一份情意結，情意結的確會令食物好味d！另外就係店舖嘅舊裝修令人有好多回憶！

黃金週一家去個澳門兩天遊，食左個遲來得早餐就周圍行下數下街，上網搵出名食店，就去了此蝦子麵店，就是一間普通麵店我叫了牛腩麵，真係唔係好食，又叫左通菜係唔特別好食，家人食左蝦子麵亦無特別稱讚，價錢$36撈麵但份量真的很小，落單上菜都好亂，又話就黎個菜 過左陣又比左第二枱，侍應又互相怪對方唔依樣唔果樣，整體感覺就幾差下。不過佢地大把旅客生意，唔休做既樣，相信此店靠名氣都係大把生意。總結：普通過普通麵店一間性價比低

很香口的食物, 湯又好飲, 蝦子好食竹昇麵是使用竹竿壓製的麵條，師傅坐在竹昇的一端，重複用力下壓竹昇另一端的麵團，壓薄後再切成麵條。招牌蝦子撈麵，以河蝦炮製的蝦子極之鮮味，每一顆都脆脆的，配上爽口彈牙的竹昇麵條，還有豬油、蔥花，味道層又再提升，宵夜吃這個根本就是罪惡嘛！

剛剛食完 ， 啲面有林， 豬手有冇肉。炸鯪魚球香港整得好食過佢。☹️☹️☹️☹️☹️☹️☹️唔知點解咁多人話間野好食啦。😫😫😫😫婉野又食份量有小。應該妹妹去不食兩婉先足夠啦。😡😡😡😡😡

偶然認識了這間店，食完先知 祥記麵家係 2017米芝蓮推介的餐廳之一。與朋友同行澳門﹐他說幾年前光顧過一間麵店﹐想再去食它的咖哩牛腩麵。好吧! 澳門跟香港一樣，小店已賣少見少﹐就跟著他試試看吧!👊😊這店原來是澳門的老字號麵店，出名出產傳統竹昇及麵蝦子撈麵。一到店已座無虛席，我們四人在外等了一會。店內賣點之一﹕傳統竹昇麵! 夠爽口彈牙口呀! 配搭鹹鹹香香的蝦籽，好開胃呀！但是蝦子及竹昇麵份量比預期少。鯪魚球表面加了一層米粉，香口而不太油膩，外脆內軟! 鹹鮮的蜆介醬是精粹，提升整體鮮味！炸魚皮食得多﹐灼魚皮真你第一次試。魚皮灼得晶瑩剔透，好有彈性，好有口感。這道菜色在香港已很難找到﹐有機會大家要嘗嘗。 薑蔥豉油用來癖腥，更能帶出魚鮮味，整體好搭，但略嫌魚皮味道太淡。無得講，麵係店內賣點之一﹕傳統竹昇麵! 夠爽口彈牙口呀我無試個咖哩麵，但朋友話唔辣，咖哩味好香，可惜的是份量較少，唔夠喉🤣

男友同我食完翅就行前少少食埋蝦子面，佢話好出名好好味，我地去到咁啱有位，真好彩！每人一碟蝦子面，再加多一碟炸魚球！由於人太多，我地嘅魚球被漏單，再三追先嚟到。。。食哂就要走人，費事阻坐張枱！