營地街市熟食中心

營業中

休息中

於26/03/2023下午快閃澳門，於營地街市熟食中心搵食，見到一間名「識食來」小店，在店舖、舖面上掛著的餐牌看到馬拉咖啡、榴連咖啡這兩個名字，即時鈎起品嚐念頭，於是先點馬拉咖啡（10元）及豬扒包（30元），馬拉咖啡好味及滑，豬扒包的麵包口感不錯（個人感覺），非一般的麵包（問過老闆娘，她表示選用葡式麵包），豬扒不太膩，與葡包配搭得宜，當嚐用完豬扒包及馬拉咖啡後，問老闆娘榴連咖啡是怎麼一回事，她說：非坊間可喝到的（香晶）榴連咖啡，是她自己研配的。我就膽粗粗的點了一杯（我本不食榴連），待她沖制後，聞到充滿榴連味的咖啡，飲第一口時，即時打咗個冷震，但再喝下去時，感覺好純，口感不錯及滑，妙不可言，意外驚喜！在我喝榴連咖啡時，老闆娘剛好閒下來，看到我的第一個反應時，立即遞上一杯清水以減少我不好感覺，我表示還頂得住😜。

去到澳門唔好單單食蟹粥🦀、食木偶👺、食燒豬🐷，其實都有另類選擇。去開議事亭前不妨來附近的營地街市熟食市場看一看，你可飽飽的離開。先食林記牛雜，無影相，其實呢類食物我唔太啱食，只是慕名而來試下，有稱個湯底好正。一兜有三五款內臟，可加蘿蔔，食完我未有覺得好突出。同時叫了隔離店強記瓦煲拉茶的茶走，左搞左搞先整完杯奶茶，真係好飲喎，好香滑，一杯唔夠喉，太細杯，再叫多杯普通奶茶試，非常失望，唔夠濃。明顯，茶走好好多，不知是製作每杯質素參差，還是兩者真的有大分別。再來是識食來的豬扒包，無期望反而有驚喜，先說包，烤得外皮又薄又脆，包肉軟綿綿，老闆娘說這包由葡萄牙人手製，每次叫貨不多，確保新鮮。豬扒好大塊好好味，非常多黑胡椒，老闆娘都話自己喜歡黑胡椒所以落好多，其實店內亦有好多其他款式的食物，有一個係魚餅包，留待下次才嘗試吧！因為實在好想食菜，所以在平記叫咗個通菜牛肉飯，已經叫老闆小飯但係都一大碟，好彩兩個人都食得晒，超級抵，而且菜同牛肉都好多，好好味，有家的感覺！呢度好多本地人排隊買飯，可能價錢大眾化，而且即叫即做，賣相都非常靚！在平記又順便叫了一杯熱奶茶，坦白說真的要幫襯番瓦煲茶走先啱數😅！澳門當

營地街市是每次必去的地方，逐檔逐檔吃，飽了停停，飲杯茶，談談天，偷得浮生，消化了又吃一輪，可以很快樂消磨半天呢。梓記牛什還是肚膀肺粉腸大腸每樣三片，今次還有稀客牛脷，可能吃慣了，味道平穩，沒驚喜了，但用那辣椒醬併辣椒油點着吃，又很有風味。鴨血卻是新發現，十分美味，熱辣辣了又滑又嫩又香，伴湯、青蔥和辣醬吃，比得上寧記的麻辣鴨血。另一檔不記得名字的麵檔，我瞥見有雞腸，立刻點了一碗，那雞腸完全是小時候吃的味道，雞腸是讓人愛恨分明的東西，今時今日她已幾近絕跡江湖絕，所以愛她的人一見到她必兩眼發光急不及待，她的獨有的膻香軟糯咬口，令人百吃不厭，恨她的人嗅到味就必逃之夭夭，這檔雞腸祇是稍稍炆過，雞腸原味保留得十分好，我們三分鐘已吃光一碗雞腸菜。咖哩薯仔鳳爪麵其實也很不俗，薯仔又稔又入味，衹是雞腸鴨血大出色，被比下去。

有咁多食家去過，而我們又鍾意食D地道野，咁米去下，是專門乘的士去。一人四人，叫了：豬雜粥 ﹣ 粥底差，似潮州粥咁豬排飽 ﹣ 豬排沒味，好似飽和豬排是分開的抄麵 ﹣ 可以奶茶 ﹣ 什麼瓦煲奶茶，沒有茶味，連奶味也很淡腸粉 ﹣ 腸粉唔滑，D甜漿沒有味的!餃子 ﹣ 可以最令我們的是：我們四人，只想問一問可否要四個碗子呢？不可以! 食物差，服務差，連個碗也不給一個!下次一定唔再去!

過完關第一站就黎呢度食野~丫蘇介紹既牛什冇開 唯有睇下其他野食~~我揀左個布拉腸 $9即叫即整 , 大大碟~好好味架 另外叫左個餃子食 , 又係即叫即整~不過唔記得左幾錢 =_=餃子不錯~~好脆~街市黎講呢個熟食中心算係好好衛生

同上個食評一樣….因為有100蚊特價船票~~~去掃街lu!!我地首先去左阿so介紹過既牛雜麵^^”搵左好耐先搵到個營地街市!!!去到…見到好多店都係賣麵..都唔知邊間打邊間??好彩認到個老闆娘^^”我地叫左兩個麵…一個係牛腩麵+牛雜麵28蚊…14蚊碗麵都算抵~因為佢夠大碗~同埋比足料你!!!!牛雜個度佢真係樣樣餱都比三or四大粒你~~~佢個汁煮得好好~夠濃*唔似出面個d無味-.-d麵就不過不失…可能我地岩岩係lunch hour~比較多人排隊等左一陣就有得拎啦~

用餐日期: 12:30pm 10-01-2010.雖然炒粉麵只需二十元, 但份量少, 而且味道一般煲仔飯: 味道一般. 不及香港池記 - 雲吞麵: 味道一般池記 - 牛什: 無味道很淡, 做法是白灼,點汁.我覺得電視節目的食神及食評家, 需要檢討他們味覺只有沙煲奶茶值得讚, 很滑, 但加點茶香就更好 !!!

去到澳門人生路不熟又好肚餓..見到旅遊書有介紹諗住唔會差得去邊掛....一行4人叫左一碗豉油雞翼麵, 一碗雲吞麵, 一個煲仔飯同一份窩貼...D麵冇咩問題, 普通麵唔難食但唔特別煲仔飯都OK, 唯一既問題係佢俾D膠匙太軟身..完全係不唔到D飯焦....要用木筷子係咁liu...窩貼勁多油!!! 係勁多油!!!食物都冇咩問題問題出自杯紅豆冰...D紅豆係苦既!!!飲左兩啖已經好俾面...下次一定唔會再叫...

價錢平民化,地方平民化,但好食程度絕對唔係平民化咁簡單呢度簡直就係卧虎藏龍一樣,無論牛什,沙煲咖啡,門口o既炒粉麵飯到煲仔飯,全部都唔可以睇小廿蚊一煲,即叫即煲,唔算話好好食,但黃鱔煲仔飯都係廿蚊多d ,去邊搵!?最可惜去果日,好多都無開,無錯.....佢地係成日唔開,亦唔會通知大家所以要有心理準備去,未必食到你想食o既野不過絕對係一個認識澳門平民化飲食o既好地方~~

因為蹈蹈都有介紹過，就諗應該都唔差得去邊，點知…完全失望囉~~首先環境我已經有晒心理準備一定差，因為話晒都係熟食中心，好極有限，點知仲差過HK既大排檔= ="開始講野食：腐乳炒通菜，完全冇驚喜，HK都食到既普通野，一碟就收你 MOP 19。仲貴過HK既大排檔囉酸斎，MOP 5 / 4 件，原本諗住好耐冇食，打算食下啦，都唔預佢係好食架喇，點知成碟都係煮燶左既苦味，朋友拎返去打算換第樣野，點知佢就話再拎第二碟比我地，我心諗，你成鑊野都整燶左，就算換第二碟，咪又係果鑊野度拎= =" 佢仲要加多句：檯檯都冇話有事，係你地咁煩!!!呢D咩態度!!!!!肉片炒河，MOP 19，唔係好大碟，四個女仔食都唔係好夠咁，而且又係普通野，又係HK都搵到既普通野= ="雜果冰，MOP 12，貴﹗完全唔值，HK都話係汽水底之餘D離果係食得落肚果隻，點知呢度……雜果係霉既，仲要唔係汽水底，係清水底!!! 大佬…點飲啊= ="最後朋友都冇飲晒就走人一句講晒，完全失望!!!!

旅遊書仔有介紹、蔡san又有介紹，那說去體驗一下澳門當地人的飲食去處。由於是街市熟食中心，所以環境、衛生方面會較差，就像我們香港的市政大廈般。另外，那裡人流非常多，可能由於是午飯時間，不論學生、OL、情侶、公公婆婆、街市自己人等等都在開餐，找位子都要花點時間！環繞熟食中心行了3個圈，都很難決定吃些甚麼好……那裡最多的是車仔麵檔，亦是眼見最多人吃的東西。最後我們三人共叫了 "kitty" 的咖哩薯仔雞翼米線、"平記"的窩蛋牛肉煲仔飯、"勝記"的凍鴦及熱啡與另一行某間的牛雜（共約MOP100）。 "kitty" 咖哩薯仔雞翼米線：咖哩味溫和，做車仔麵的湯汁很不錯。薯仔及雞翼就麻麻。"平記"窩蛋牛肉煲仔飯：牛肉是鮮牛，不是牛肉餅，很好吃。不過，米飯用了質素較差的大陸米。"勝記"凍鴦及熱啡：熟食中心內共有2間沖咖啡的檔口，分別是強記和勝記，見勝記貼有宣傳介紹紙便選擇了它。很可惜，兩杯都很難喝，淡口冇味，又太甜。牛雜：牛雜新鮮，有牛雜味，少少牛騷。