澤賢記 (路氹城)

自從上次係百老匯大街試過澤賢記既焦糖葡撻味雞蛋仔之後，就愛上左澤賢記，完全係忘不了既味道！今次過澳門玩都一定要食返澤賢記！上次係百老匯大街排左至少成個鐘，今次好彩平日黎，完全唔使排隊，仲見到開多左檔添！睇黎生意真係好好。每一粒雞蛋仔都落足一匙焦糖葡撻，無欺場架！落完等大約十分鐘左右就食得啦！一路等一路聞住超香既焦糖葡撻味，真係好痛苦。攞上手熱辣辣好吸引，雞蛋仔外脆內軟，每一粒都非常飽滿，係滿滿既焦糖葡撻！入面既焦糖葡撻非常嫩滑，蛋香味超級濃，好滿足！！！！因為店員將啲焦糖汁倒埋落去雞漿道，所以即使係外邊既雞蛋仔脆邊都充滿焦糖味，真係好正呀！同埋都想讚下店員既服務都好好，好Nice。