波爾圖

營業中

休息中

好耐無去過澳門，去到澳門例牌梗係要食番餐葡國菜啦。今次唔去船屋，揀左呢間都有好多好評嘅波爾圖。見到有人話唔訂枱會無得食，所以即刻就打左去訂枱。早左兩個字去到門口，見到間鋪入面都幾full 下，真係唔訂枱會無得食。入到裡面雖然坐得有d迫，不過唔緊要，野食先係重點嘛！先叫左個馬介休球試試先，味道適中唔會好鹹，上枱夠熱亦都炸得好香口。檸檬白酒煮蜆都幾得特別，個汁酸酸地咁好開胃。呢度用蜆肉加埋d汁一齊食真係幾特別，食下食下唔覺唔覺就清晒成碟喇！至於今晚嘅重點就梗係乳豬飯啦！乳豬飯嘅份量都唔細，好彩我地無再叫其他肉類，唔係就一定食唔晒。乳豬皮夠脆，而且都有d 肉又唔會話太肥，配埋佢本身嘅釀飯真係幾好食，唔錯！

一支公酥澳门，中午唔知食么好，就想到这里。在开饭查的，感觉还不错。中午过来，已经好有人气，有个三四家人的聚餐，十五六个人都有。我坐埋一边，一支公，难点菜，就要了一份美国安格斯肉眼扒的套餐。可以配红酒或者餐汤和薯菜或者白饭，还有甜品。上菜要等一下，汤是南瓜汤，很热辣，没有忌廉，不会腻。扒还是很大份的，薯条也很不错，但淀粉分量不够，吃完下午又饿了。但肉眼的质地不错，很软嫩。甜品就比较敷衍吧，很小一块蛋糕，虽然味道也不错。买单141，原来要加一服务费的。

黎到澳門梗係要食葡菜！適逢男朋友生日 就過大海玩！晏就去到就先book定位 預約8點鐘食！餐廳係巴黎人附近 到左唔洗等位 即刻有得入！ 首先叫左葡式乳豬飯 見到好多人都有叫 一於試下本身都以為會好肥 但一啲都唔會！ 乳豬又脆 又唔肥 好味！飯都好入味 岩岩好 唔會太鹹！ 10個like!!最最最滿意之後就叫左檸檬白酒煮蜆！嘩 好足料 好多蜆 唔止係得殼 而且重白酒味😍😍 呢味馬介休就有少少失望 外面唔脆 無咩口感 味道一般 ！ 同男友都係愛酒之人 所以幾飽都好 要試試葡國啤酒 唔苦唔澀！ 有機會要再試一次！ 🍻🍻🍻下次要試下葡式海鮮焗飯同埋芝士軟殼蟹 見到好多人有叫 不過今次實在太飽喇

食葡菜梗係要去澳門，又抵食又好食本來book好晒位，準時去到攞位 店內超多人坐唉！d人食飽又唔走，搞到要企一陣街。15分鐘左右，其中一位侍應問不如帶我地去附近間分店，我地當然無所謂。去到分店店內環景比總店好，可能無乜人知，包場咁濟 食到尾先有第二枱客入黎 我地暢所欲言食得勁舒服。 講返我地叫左咩野食先葡式乳豬釀飯熱辣辣 乳豬皮脆口 炒飯底又有d乳豬油 超野味葡式咖喱牛尾煲本人好少食牛尾 不過呢個牛尾煲超冧 好入味咖喱汁: 唔太辣但有咖喱味 即叫碟白飯撈汁芝士焗軟殼蟹隻蟹雖然細左dd 但鋪滿芝士焗 唔洗拆蟹可以啖啖肉 好好食但要襯熱食馬介休波波鍾意食薯仔既朋友 呢個真心推好似食炸薯仔蛋咁 好正醬燒豬肋排賣相就麻麻 原來有d內涵 肉質好冧 好入味唔需要蘸醬 有驚喜

由於自己沒有食葡國餐的經驗，所有不能評論它是否正中，但味道不錯，份量很大，價錢合理。而且服務不錯，原本打算到地堡街那間店，但是經已爆滿，之後服務員更特意帶我們到它的另一間分店

同女朋友去澳門旅行，朋友介紹食葡國菜一定要食呢一間，因為夠抵食，所以我哋就試吓呢一間。我哋去到澳門，下午三點左右就去咗book位， book夜晚七點鐘，我哋當晚六點半左右去到，已經見到好多人係門口排隊，果然好多人食。入到去坐低，因為網上見到啲人都推介食乳豬同埋馬介休，所以我哋就叫咗個乳豬飯同炸馬介休球，再叫多個波爾圖炒蜆。話咁快個炸馬介休球已經到，佢個馬介休球炸到外脆內軟好惹味，不過我覺得佢咸左少少，不過女朋友都覺得好好味。之後嚟咗乳豬飯，飯嘅份量唔算多，勝在有八件乳豬搭救，我係一個幾鍾意食乳豬嘅人，不過乳豬似乎肥咗少少，食落口門口油，但係我都仲接受得到。不過我覺得三百零蚊食葡國菜通過質素我覺得算唔錯了。

由 galaxy hotel 行天橋過黎，一條斜路就到！有set dinner. 食夠250送半jar果汁酒，白酒或紅酒，set dinner 只有兩款，西冷牛同肉眼，包湯同甜品！另外定左特色鴨肉焗飯，焗得好好，d飯仲一粒粒錦，但芝士太多，成個面都係！！另外點左馬格耶菜,但吾記得影相！豬手沙律好正，俾左勁多豬手！仲好好食！果汁酒都好好食，係半jar加兩杯！甜品跟餐嘅係芒果芝士蛋糕！好好食！食晒全部野仲請我地食曲奇同了結糖，係自家制嘅！好好食！埋單3××，好平好底食

到澳門必定要食葡國餐,找到這間位於官也街的餐廳,2個人,點餐不能太多,但每一款也想試,只好精選點餐了我們點了餐廳推薦的乳豬釀飯,大讚!皮燒得相當脆,份量不少,炒飯炒得乾身,但吸上了乳豬的油份,整碟性價比整高當然還要點馬介休其實不太了解馬介休是什麼,吃下去像薯仔球而已,但味道還不錯最後點了個檸檬白酒蜆,檸檬汁開胃,是三道菜中比較清淡的,取得了平衡餐廳環境不錯,舒適,值得再光臨👍🏻

第一次行入去、服務很好、5點半入去時太早問六點再黎可以留枱？都可以即留點了三餸一湯1）雜菜湯：味道可以、但唔好奇望很高、只是正常。2）軟殻蟹：焗的賣相不錯、但白色只是沙律醬而沒有太大芝士味、太多沙律醬感覺似食醬多過食蟹。3）酒煮蜆：比想像好吃、而且蜆都鮮甜、唯一就是食到一二隻還有少少沙、這個值得推！4）麵包葡國雞：味道不錯、麵包脆卜卜、加埋葡汁一起吃不膩、但要襯熱食、凍左口感就硬得不好吃了這間餐廳感覺不錯、唯一在埋單時、我們5月1日去、賬單打錯了10%服務費而實際要15%服務費、連侍應當天初說加20%又變了加15%、感覺不太良好！

這間波爾圖葡菜，無論食物質數和裝修格局，均值得一讚，很有葡萄牙特色，唯一美中不足是店裏太細，不合一大班人，但拍拖來食一流。是日午餐已指定選此餐廳，所以order了葡式乳豬釀飯，馬介休薯球，芝士焗生 蠔和一支葡啤，埋單约400元葡幣，價錢合理。首先先食乳豬釀飯，乳豬皮做得很脆，配合不鹹而酱汁入哂品的乳豬肉，完全做到爽脆肉嫩，味香肉滑的層次，唯一缺點是有八大舊，只得兩個人食太腻了。而馬介休做得香脆，送啤酒一流。芝士焗生 蠔， 蠔雖细粒，但蠔味鲜甜。而且焗製時間剛好，配合面層焗脆芝士加上菠菜，效果吻合，味道一流。若 蠔大粒點就滿分😅。因今次同老婆食，不能order太多，下次我會試麵包葡國雞，希望有高水準

原來屈小姐其中一位好朋友都係澳門迷黎既，係我地出發之前，佢推薦左我地去試《波爾圖》既葡國餐，而又咁岩賴生係澳門有親戚住，拜託左佢地幫賴生book左位（真係太好啦⋯⋯如果唔係有排等，好多人哦）間餐廳位於官也街大馬路果度，好容易搵。而門口已經有餐牌，不妨係等既時間，睇下想食咩！入到去坐低，其實張枱偏細，而且比較逼，枱與枱之間好窄，會聽到隔離枱講野，亦方便我地睇下人地D野好唔好食（呢個係賴生同屈小姐既壞習慣）經過一輪觀察同商議之後，我地決定左叫4樣野：芝士焗軟殻蟹、葡式檸檬白酒煮蜆，葡式海鮮燴飯同馬拉盞炒椰菜1）芝士焗軟殻蟹 ：⭐️⭐️⭐️⭐️好正呀！成隻蟹鋪滿芝士，超濃郁，仲要有拉絲嫁！加上係軟殻蟹，冇骨，食落啖啖肉！而隻軟殻蟹都尚算香脆！有少少膏！整體唔錯唔錯！2）葡式白酒檸檬煮蜆 ：⭐️⭐️⭐️基本上呢，呢度個葡式檸檬白酒煮蜆整唔到個精髓出黎，太咸啦，又冇檸檬味⋯湯底：葡式檸檬白酒煮蜆，佢煮唔到個檸檬清香出黎，完全唔覺有檸檬酸味，仲要佢白酒未煮到揮發晒，有酒味得尼唔夠甜，再加上太咸，完全食唔到蜆既鮮甜味蜆：份量都夠，粒粒都有肉，只有1-2隻仲有少少沙，但味道比咸湯底遮左3）葡式海鮮燴飯 ： ⭐️⭐️⭐️無

昨天十二人，浩浩瀚瀚準時十一點半到達，店家剛好開門，期望網上好評的食物一一叫齊，質數素之差，恕難比like。1.乳豬皮un,不脆，飯超乾！2.咖哩雞個飽，好似隔了很多夜……又硬又無麵包味，完全不是外脆內軟，個蓋唔好諗住用牙咬！雞味欠奉，不講D咖哩……3.馬介休“波”，第一碟ok,後加一碟，嘩然！全部啡色，炸焦哂！但個waiter 全無反應……4.羊扒醃到唔知牛定羊，分別不大，可能醃了好耐卦、無羊味🐐。5.兩碟炒菜，超、超、超鹹！全枱無人掂！其他也是水平之下，絕對不會有下次！（過咗陣去咗隔離tea break,補飛。😑）

中午時間一點鐘黎到 店內滿座 大概等左十五分鐘～～如果 無位 職員會打去另一間分店問有無位再安排入座 安排得好快叫左推介既海鮮飯好多汁 好重番茄味 份量幾大酸酸地 好開胃又多海鮮 好味～果然，係推介之選葡國餐廳，當然叫返個葡國雞食下啦～個包好鬆脆～超好味～吸埋d汁D雞都唔錯～啖啖肉～推介～～另外，再叫左個牛仔骨呢道菜、只能說賣相唔錯～D牛肉超級、超級un~完全食唔到～好多筋～唔推介呢個～唯有當佢塊肉選得唔靚～安慰下自己啦～浪費左呢碟牛仔骨～亦幾失望～小結～價錢都係340$三道菜、算幾抵食~可以再黎既餐廳

同家人去澳門，因為佢地上次見到呢間野 full 晒好想試，所有今次下晝走去同佢講 book 枱。攞枱果陣，結果佢帶左我地穿過橫街去左分店。叫左個薯蓉青菜湯，清清地但好入味，最驚喜反而係呢個湯。之後叫左面包焗葡國雞、馬介休炒飯、芝士軟殼蟹、豬耳沙律、蠟腸炒雜菇。面包焗葡國雞真係好有誠意，其實成份野好飽（又有面包又有薯仔），佢仲要放上枱比人影完先響你配前切開佢，啲葡汁食到停唔到口，點其他野都咁好食。雖然其他野無咩驚喜，但成餐飯埋單都係四百幾蚊三個人，真係算係平價葡國菜而又有葡國餐廳感覺之選。服務都係一流！

去澳門旅遊，當然要搜尋好嘢食啦。見到呢間有好多人推介，即管一試。第一次來，又得兩個人，所以叫唔到好多款嘢食試。叫咗一個天使麵同一個飯。個天使麵嚟咗先，我哋兩個都好肚餓，所以極速就食咗大半碟喇。唔知係我哋太肚餓定係個麵真係超讚，天使麵佈滿芝士粉，每條都被濃厚的忌廉汁包圍，夾雜蘑菇同三文魚香，好creamy，層次好豐富，好好味之後到鎮店菜式燒豬飯出場，豬皮脆卜卜，肉質亦好嫩滑，小小鹹味，送飯一流飯底炒得都夠乾身，只係稍嫌個飯唔係好有味，但同行嘅朋友都好欣賞，全部清晒店面嘅地方唔係好大，枱椅都放得好密集，無沙發位，如果太多行裝嘅可能會坐得唔係太方便同舒服。但我哋對食物嘅質素非常滿意，如果下次再遊澳門，一定會再嚟食