麺屋こころ (新城市廣場一期)

營業中

休息中

最近朋友帶咗我嚟沙田食一間超好食嘅日本過江龍美食，佢就係麺屋こころ，香港都有幾間分店，我一嚟到就覺得呢度好光猛，坐得好舒服，食完之後都覺得好好食，絕對推介俾大家！飲嘢方面，當然要叫日本最好飲嘅抹茶拿鐵，呢度入口順滑，而且抹茶味唔會好假，反而真係食得出有少少金味，真係飲得出用咗日式抹茶粉。朋友嗰杯崗山烏龍茶我都有試咗一啖，唔會太濃，凍飲就覺得好清新。嚟得呢度梗係要食撈麵，所以我哋叫咗兩個分享，一個就係咖哩炸雞撈麵，而另外一個就係鹽味撈麵。個咖喱我覺得味道都唔錯，食得出有層次感，唔辣，炸雞翼都炸得好酥脆，炸雞同咖喱真係絕配。而佢嘅生雞蛋都可以用來做沾醬，面嘅口感都好煙韌。鹽味撈麵看似簡單，其實食落都絕對唔會單調，真係有少少鹹味，但係鹹味味嘅濃度控制得好好，食落真係好上癮。