餃掂手工餃子雲吞專門店

元貝豬肉餃餃子好大粒，內裏的豬肉同元貝份量十分足，每咬一啖都滿滿的肉同元貝。呢個另有一個狀元九鼎湯作配搭，鮮甜無味精，同餃子作配搭一流！至尊松茸豬肉餃呢個一食好有驚喜，一咬落去勁香，味道超香濃，會令到人一啖接一啖，配埋湯一起食感覺好中和，很不錯！四川涼皮小辣涼皮煮得岩岩好，十分煙韌，搭配花生青瓜好有口感同開胃，而佢的辣度好適中，唔食辣的都可以試試！惹味唐芹拌豆筋呢個唔會太辣，唐芹令到成個菜式好清甜，豆筋亦都好爽口，同餃子或者涼皮一起食都好夾！飲品方面叫左山楂雪梨水同蜂蜜檸檬薏米水，飲落去唔太甜，都幾解渴，感覺好健康解膩！