Belgos

營業中

休息中

利園附近嘅Belgos係一間充滿氣氛嘅比利時餐廳，室內有個超大嘅酒櫃，提供超過30種以上嘅酒單，所有酒都係由調酒師 TOM EGERTON用 MANCINO產品調配嘅自家比利時啤酒，仲有多種葡萄酒同無酒精嘅雞尾酒等等。主廚師係ALEX CHAN 、客席廚師 LUCA PIAZZA，場內有DJ打碟，音樂好澎湃！另外餐廳設有0-8歲兒童專區可以免費食精選餐點，非常貼心~Weekdend約埋朋友嚟個開心聚會，體驗一吓比利時/法國風情嘅lazy brunch。先嚟頭盤coldcut有好幾款芝士、ham同肉腸，芝士最令人驚喜，香口軟滑Vichyssoise soup用Blend咗嘅薯仔同法國韭蔥熬製，湯夠濃稠又夠creamy，加入橄欖油，更香更滑! 配上煙煙韌韌嘅酸種麵包，口感唔錯。Moules Marinieres白酒忌廉煮青口，青口肉唔係好大，但夠飽滿，肉質嫩滑，白酒、洋蔥、蒜香加上幼滑忌廉，味道更吸引。Side dish炸粗薯條都好正，炸得鬆脆，唔想嘥咗個白酒忌廉汁，配埋一齊食仲正。Carbonnade Flamande啤酒烤牛肉一道傳統嘅比利時菜式，將牛肉放入啤酒煮好，再淋上帶甜嘅醬汁。