影片
更多
2021-04-21
4369 瀏覽
我對觀塘The Wave大廈並唔陌生，因為呢度有唔少餐廳，之前嚟食雞煲多，但天氣開始熱，所以都想轉轉口味。呢晚我哋就轉場過咗隔離嘅🍽西餐廳「Mini Friday」，好彩有訂枱，有88折之外，仲確保唔使等位，估唔到平日晚都咁爆場。餐廳有做晚市套餐，由$168至$258不等，有齊前菜、湯、主菜以及加$1有甜品，其實幾豐富，不過我想食嘅不在此列，唯有散嗌🙈。主菜單選擇幾多，有薄餅同小食等，價錢就中矩中舉啦。餐前小食係墨西哥脆片配芝士醬🌮，脆片好鬆脆，芝士醬好濃，夾埋食好正，仲要係免費㗎。芝士溫泉蛋焗牛脷薯粒($108)，呢個小食一啲都唔小，熱鍋上放滿牛脷粒同薯仔，上面再鋪芝士拎去焗，熱辣辣送上不得了，🧀芝士拉絲效果好澎湃！薯粒其實好大粒，應該係新薯嘅一半，🥔夾夾埋埋可能有成十嚿，食完呢碟已經飽咗七成。牛脷細細粒，口感好淋👅，食落有啲似午餐肉味🤣。明太子忌廉帶子手捲粉($148)，明明有DIY Pasta餐嗌，我都唔要，係因為明太子醬同手捲粉實在太吸引😍。醬汁超濃超Creamy，不過無乜明太子嘅辣味，手捲粉造型有啲似長通粉，但係冇封邊的，口感則非常有嚼勁，兼且好掛汁。餸料有三文魚子同三大粒帶
我對觀塘The Wave大廈並唔陌生，因為呢度有唔少餐廳，之前嚟食雞煲多，但天氣開始熱，所以都想轉轉口味。呢晚我哋就轉場過咗隔離嘅🍽西餐廳「Mini Friday」，好彩有訂枱，有88折之外，仲確保唔使等位，估唔到平日晚都咁爆場。
餐廳有做晚市套餐，由$168至$258不等，有齊前菜、湯、主菜以及加$1有甜品，其實幾豐富，不過我想食嘅不在此列，唯有散嗌🙈。主菜單選擇幾多，有薄餅同小食等，價錢就中矩中舉啦。
餐前小食係墨西哥脆片配芝士醬🌮，脆片好鬆脆，芝士醬好濃，夾埋食好正，仲要係免費㗎。
芝士溫泉蛋焗牛脷薯粒($108)，呢個小食一啲都唔小，熱鍋上放滿牛脷粒同薯仔，上面再鋪芝士拎去焗，熱辣辣送上不得了，🧀芝士拉絲效果好澎湃！薯粒其實好大粒，應該係新薯嘅一半，🥔夾夾埋埋可能有成十嚿，食完呢碟已經飽咗七成。牛脷細細粒，口感好淋👅，食落有啲似午餐肉味🤣。
明太子忌廉帶子手捲粉($148)，明明有DIY Pasta餐嗌，我都唔要，係因為明太子醬同手捲粉實在太吸引😍。醬汁超濃超Creamy，不過無乜明太子嘅辣味，手捲粉造型有啲似長通粉，但係冇封邊的，口感則非常有嚼勁，兼且好掛汁。餸料有三文魚子同三大粒帶子，帶子係刺身級，又大又肥，仲好鮮！
皇牌威靈頓牛柳($298)，威靈頓牛柳賣呢個價錢其實算平，份量仲要非常大件。酥皮外層焗得幾靚，內層就塗上黑松露，所以好香，不過我略嫌有少少濕。🥩牛柳方面，生熟度控制得宜，肉身呈淺紅色，肉質嫩口易咬，牛味亦都濃郁🐮，淨係食呢件牛已經令人滿足。配菜方面，有薯蓉同三筍：甘筍、露筍同珍珠筍，份量相對牛扒少，哈哈。
薄荷特調(無酒精)($88/Jar)，餐廳提供嘅飲品預咗一班人飲🍹，所以以一榨榨為主，多人更可以叫XL。我呢款Mojito係用上薄荷🌱、青檸、糖水同梳打製成，飲落感覺清新，但又有啲似七喜。
總括嚟講，我哋真係食到好飽，飲飽食醉後更覺得今晚係星期五Happy Friday🥳。呢度嘅食物出品好大份，多啲人Share食更為適合。環境方面，餐廳座位多，客人亦算坐得舒服。唔知疫情過後係咪會有Live Music聽呢？
張貼
