WAKE UP BISTRO

營業中

休息中

餐廳在粉嶺聯和墟，裝修融合原有既建設，利用柱位間開一格格既枱，另外仲有室外座位，可帶埋寵物一齊嚟享受美食。雜菌粟米忌廉湯：用左大量雜菌和粟米攪拌而成，雜菌既獨特香氣，伴隨忌廉帶出既鮮味，非常濃稠。Wake Up All Day Breakfast：食材高質，包括3.6北海道牛乳炒蛋、茄汁豆、車厘茄藜麥田園沙律、芝士烤大啡菇、迷你牛角酥、煙三文魚、烤香腸、煙肉、鮮果殼物乳酪，為一天既開始帶來無窮動力。燒澳洲安格斯肉眼扒(180g)：安格斯牛肉質軟嫩，牛肉味香濃，油脂分佈比例適中，配菜有多款來自蔬菜統營處既新鮮蔬菜，同埋三色薯條。菠蘿雪芭：菠蘿味口感酸酸甜甜，帶來清新感覺。焦糖香蕉朱古力窩夫拌日本雪糕：窩夫烘得鬆軟可口，上面放左雪糕，加埋士多啤梨和焦糖香蕉伴碟，層次感豐富。總結，食物新鮮好味，值得支持既本地小店。