炙・宴 (The LOHAS康城) (已結業)

👧🏻👧🏻👧🏻👧🏻心思思想食日本野🍣放工經過見到呢間炙·宴，見menu上嘅選擇好多，賣相唔錯，價錢都相宜，於是就決定試一試！😚今次唔使等位就直接有得坐低！座位尚算寬敞，有咩需要一舉手就有店員過黎幫手，服務算係幾好👍🏼無聊嘅題外話，就係👧🏻留意左一陣，發現原來呢間舖嘅店員係全男班🤣✧✧✧✧✧✧✧✧✧✧✧✧✧✧✧✧✧✧✧✧ 1）火炙三文魚親子丼 HK$108親子丼嘅擺碟好精美，睇落好似好高級咁🤣三文魚都好新鮮肥美，但略兼呀仔（三文魚籽）嘅份量就比較少🙈豉油亦唔夠多，要問店員拎多碟仔先夠用😚啲飯仲好熱同煮得偏腍，如果可以煮得硬身同分明啲會更加好😎😍賣相：🌕🌕🌕🌕🌑😋味道：🌕🌕🌕🌑🌑2）芥辣八爪魚🐙 HK$38芥辣八爪魚嘅芥辣味唔會太嗆鼻，八爪魚都幾有咬口，算係不過不失👍🏼😍賣相：🌕🌕🌕🌑🌑😋味道：🌕🌕🌕🌑🌑總括黎講，炙·宴嘅魚生水準一般，之前食過佢哋嘅熟食丼飯反而有驚喜🤩所以大家要試嘅話，👧🏻就會推介大家揀返熟食，例如佢哋嘅豚肉飯係一個唔錯嘅選擇😎另外，而家like佢哋社交平台 page再share個推廣嘅post，或者係社交平台到upload一張佢哋嘅食物相再tag佢哋，會送一份兩隻嘅餃子🥟