影片
更多
2021-07-13
581 瀏覽
👧🏻👧🏻👧🏻👧🏻今次屋企人話想食牛扒，但一時間唔知去邊好，就決定去大家都唔陌生嘅outback steakhouse🤣等咗冇耐就入得去！餐廳環境都唔算好逼，可能平日嘅關係，都冇坐滿，唔會太嘈🙈由於屋企人比較細食嘅關係，本身諗住五個人share個寫住三至四人份嘅美國帶骨和牛肉眼扒餐🤣但職員話呢個扒唔係成日返貨，要撞彩先食到，而今次👧🏻就冇咁好彩喇🥲於是就貪心啲，嗌咗個明知食唔晒要打包嘅美國頂級斧頭扒套餐🤤✧✧✧✧✧✧✧✧✧✧✧✧✧✧✧✧✧✧✧✧ 星期一至四以匯豐信用卡持有人優惠價 HK$1286 選購嘅美國頂級斧頭扒套餐包括以下嘅食品🤤1）是日餐湯🥣今日嘅是日餐湯係磨菇湯💓不嬲都係菇迷嘅👧🏻就梗係鍾意啦😍入面都有唔少嘅磨菇粒粒，但亦都要少少cream膏未溶晒，但都無阻個味道嘅🙈😍賣相：🌕🌕🌕🌗🌑😋味道：🌕🌕🌕🌗🌑2）黑糖麥包🥖Outback steakhouse最最最出名嘅就一定係佢哋任食嘅黑糖麥包喇🤤每條麥包麵係熱辣辣咁上枱，仲附上牛油😍食落有淡淡嘅黑糖甜味，口感都外脆內軟唔會太實，實係好好味💕😍賣相：🌕🌕🌕🌑🌑😋味道：🌕🌕🌕🌕🌑3）公司沙律🥗公司沙律用料都幾豐富🤤除咗有滿滿嘅新鮮沙律
今次屋企人話想食牛扒，但一時間唔知去邊好，就決定去大家都唔陌生嘅outback steakhouse🤣等咗冇耐就入得去！餐廳環境都唔算好逼，可能平日嘅關係，都冇坐滿，唔會太嘈🙈
由於屋企人比較細食嘅關係，本身諗住五個人share個寫住三至四人份嘅美國帶骨和牛肉眼扒餐🤣但職員話呢個扒唔係成日返貨，要撞彩先食到，而今次👧🏻就冇咁好彩喇🥲於是就貪心啲，嗌咗個明知食唔晒要打包嘅美國頂級斧頭扒套餐🤤
✧✧✧✧✧✧✧✧✧✧✧✧✧✧✧✧✧✧✧✧
星期一至四以匯豐信用卡持有人優惠價 HK$1286 選購嘅美國頂級斧頭扒套餐包括以下嘅食品🤤
1）是日餐湯🥣
今日嘅是日餐湯係磨菇湯💓不嬲都係菇迷嘅👧🏻就梗係鍾意啦😍入面都有唔少嘅磨菇粒粒，但亦都要少少cream膏未溶晒，但都無阻個味道嘅🙈
😍賣相：🌕🌕🌕🌗🌑
😋味道：🌕🌕🌕🌗🌑
2）黑糖麥包🥖
Outback steakhouse最最最出名嘅就一定係佢哋任食嘅黑糖麥包喇🤤每條麥包麵係熱辣辣咁上枱，仲附上牛油😍食落有淡淡嘅黑糖甜味，口感都外脆內軟唔會太實，實係好好味💕
😍賣相：🌕🌕🌕🌑🌑
😋味道：🌕🌕🌕🌕🌑
3）公司沙律🥗
公司沙律用料都幾豐富🤤除咗有滿滿嘅新鮮沙律菜之外，仲有青瓜、蕃茄仔同芝士碎😍撈埋個芥末蜜糖醬，唔會太乾，都唔錯😎
😍賣相：🌕🌕🌕🌑🌑
😋味道：🌕🌕🌕🌑🌑
4）美國頂級斧頭扒（35安士）🥩
燈燈燈凳😍到主角斧頭扒喇😍職員好貼心，幫我哋切之前都問咗聲使唔使影張相先🙊但由於我同去扒太遠，隔離個屋企人又唔識影相嘅關係，張相就影得唔靚喇😭我哋揀咗五成熟，職員落單嘅時候已經溫馨提示咗上碟嘅時候會俾叫嘅五成再生啲🤤因為會預係鐵板上熱住！切開一睇😍真係好吸引😍食落牛味都好夠，肉質都好腍好好味，擺咗一陣都唔驚太熟😎啲邊邊位仲會係鐵板上面煎到脆卜卜咁，超好食😚
😍賣相：🌕🌕🌕🌕🌗
😋味道：🌕🌕🌕🌕🌗
5）烤肋骨雞搥芝士薯條拼盤🍗
呢個拼盤份量都幾多🤩每人有一份仲有凸🙈烤肋骨烤得好淋，配埋啲烤醬甜甜哋咁，都唔錯🥰至於個芝士薯條就淋咗啲，雖然溶咗一定份量嘅芝係面，但芝士味都唔算太重🤔芝士越漏越鍾意嘅👧🏻就唔係非常滿足喇🤣而個雞搥都唔錯！烤得都好惹味，雞肉食落都尚算嫩滑，唔會太老😎
😍賣相：🌕🌕🌕🌑🌑
😋味道：🌕🌕🌕🌗🌑
6）烤雞肉芝士夾餅🧀
今餐最後先上枱嘅就係呢個夾餅，大家都已經食到好飽，除咗👧🏻之外，大家見到佢嘅時候都有啲驚🤣試咗一塊，外皮烤得熱辣辣、脆卜卜🤤食落都好足料，有好重嘅芝士味，但雞肉相對雞搥就有啲老🤔不過整體黎講都算唔錯👍🏼
😍賣相：🌕🌕🌕🌗🌑
😋味道：🌕🌕🌕🌑🌑
7）燒美國帶子煙肉白汁燴飯🍚
👧🏻對呢個燴飯嘅印象就係……真係好多青豆🥲忌廉其實都好香，燴埋個飯都唔錯，但真係俾啲青豆搶晒fo🤢而啲帶子可能因為用煙肉包住黎煎嘅關係，煎得幾香之餘唔會好實，係值得一讚嘅地方😚
😍賣相：🌕🌕🌕🌑🌑
😋味道：🌕🌕🌕🌑🌑
總括黎講，以優惠價食到呢個斧頭扒套餐係幾抵食🤩主角嘅斧頭扒冇令人失望之餘，其他嘅小食都唔錯，職員嘅服務態度都好nice同好快手，大家都不妨一試👍🏼
✧✧✧✧✧✧✧✧✧✧✧✧✧✧✧✧✧✧✧✧
✨整體評分✨（5分滿分！）
🏠環境：🌕🌕🌕🌗🌑
🤵🏻服務：🌕🌕🌕🌗🌑
💲抵食：🌕🌕🌕🌕🌑
💯總分：🌕🌕🌕🌕🌑
➖➖➖➖➖➖➖➖➖➖
🍽 Outback Steakhouse 🍽
📍旺角太子道西193號MOKO新世紀廣場六樓605號舖
☎️ 2529 2228
張貼
