漁釧 (V Walk) (已結業)

同朋友係南昌集合，去咗樓上個V walk商場個lunch先。去到見呢間日本餐廳店的環境唔錯，就決定食呢間啦! 餐廳裝修好吸引， 勁有日本居酒屋feel，仲有好多唔同的日本擺設如清酒桶，餐廳有卡位，亦有二人枱，庭位非常寬敞，燈光由柔和，座得非常舒服。佢既menu有好多款式可選擇，有刺身、壽司、拉麵、丼飯、炸物同串燒等等。燒花魚一夜干定食，魚肉好紮實，燒完出嚟的都仲好嫩好滑，食落帶D鹹，擠少許檸檬汁同白蘿蔔泥一同品嚐又中和咗，好好食喎，令人驚喜。芝士吉列滑蛋豬柳飯，呢個超抵食，勁大份，啖啖肉的豬柳炸完都仲好juicy，而D蛋鋪晒食個碟，裡面仲包住好多洋蔥添，唔好以為蛋多過豬，其實豬柳都唔細塊呀，好豐富。極上四色刺身丼，有三文魚、帶子、赤蝦，吞拿魚蓉，魚生嘅厚度適中，每款都好新鮮無腥味，蝦爽口彈牙，大大粒的帶子又肥美，真的很美味。