影片
更多
2024-10-20
179 瀏覽
標題：TST新開居酒屋🐓雞料理值得推一推！內文：即使係愛牛之人都不得不讚嘆雞肉類串燒比豬牛羊及海鮮都更具魅力😳日式燒鳥，鳥係重點江戶時代打獵打嘅係雀鳥炭火直燒就係燒鳥而雞係後期先加入到燒鳥菜單上而牛羊豬等走獸就係再後期嘅演變雞與鳥，同為飛禽換句話品嚐燒鳥時點雞類亦係最接近原始日式 #焼き鳥 嘅食法餐廳主打係串燒個人認為焼鳥部份做得異常出色例如 #七里香 雞肉油脂釋出一陣甜味騷香嚟得平和淡雅並非平時食到一聞就超搶嗰種免冶雞肉棒實物與menu一樣要畀個good 雞肉棒外皮有啲脆口沾月見蛋汁調味天衣無縫軟骨與雞肉喺口腔嘶磨雞肉香亦變變滲出係會上癮想encore嘅款式稀有部位如 #德島阿波尾雞胸軟骨軟骨燒得微焦食落脆卜卜啱晒佐酒雞肉以外亦有其他推薦款#岩手縣A5和牛剛好遇上限時優惠 可以免費升級A4 > A5師傅喺席前用火槍輕灸和牛睇住牛油脂慢慢溢出閃令令嘅光澤感真心睇到我雙眼發光入口肉質柔軟邊吃邊覺得幸禰感滿滿另一道牛料理 #厚切牛舌芯串 都正正子肉質鮮嫩軟腍，牛香濃厚另外 #白燒鰻魚串 望落乾身原來油香暗藏其中一咬就feel到魚香撲鼻最後介紹返仲有個 #鮑魚海膽杯日本鮑魚炆煮後再醃
標題：
TST新開居酒屋🐓雞料理值得推一推！
內文：
即使係愛牛之人
都不得不讚嘆
雞肉類串燒比豬牛羊及海鮮都更具魅力😳
日式燒鳥，鳥係重點
江戶時代打獵打嘅係雀鳥
炭火直燒就係燒鳥
而雞係後期先加入到燒鳥菜單上
而牛羊豬等走獸就係再後期嘅演變
雞與鳥，同為飛禽
換句話品嚐燒鳥時點雞類
亦係最接近原始日式 #焼き鳥 嘅食法
餐廳主打係串燒
個人認為焼鳥部份做得異常出色
例如 #七里香
雞肉油脂釋出一陣甜味
騷香嚟得平和淡雅
並非平時食到一聞就超搶嗰種
免冶雞肉棒實物與menu一樣要畀個good
雞肉棒外皮有啲脆口
沾月見蛋汁調味天衣無縫
軟骨與雞肉喺口腔嘶磨
雞肉香亦變變滲出
係會上癮想encore嘅款式
稀有部位如 #德島阿波尾雞胸軟骨
軟骨燒得微焦
食落脆卜卜啱晒佐酒
雞肉以外亦有其他推薦款
#岩手縣A5和牛
剛好遇上限時優惠 可以免費升級A4 > A5
師傅喺席前用火槍輕灸和牛
睇住牛油脂慢慢溢出
閃令令嘅光澤感真心睇到我雙眼發光
入口肉質柔軟
邊吃邊覺得幸禰感滿滿
另一道牛料理 #厚切牛舌芯串 都正正子
肉質鮮嫩軟腍，牛香濃厚
另外 #白燒鰻魚串 望落乾身
原來油香暗藏其中
一咬就feel到魚香撲鼻
最後介紹返仲有個 #鮑魚海膽杯
日本鮑魚炆煮後再醃
鮮甜軟腍加上鮮鹹三文魚籽
咸鮮與醬汁嘅甜感融合
加上兩大塊加拿大海膽
Starter 食到呢個組合
絕對係口胃全開！
張貼