影片
更多
2024-03-07
55 瀏覽
見餐廳新開不久，心思思想去試一試，位置非常方便，旺中帶靜，太子站一出5分鐘就到。餐廳裝修簡潔大方，坐得舒服，適合幾個好朋友去聚一聚。香草羊架（6枝骨）配脆薄荷葉（⭐⭐⭐⭐⭐）餐廳定價親民，六支骨都係$138，簡直大癲。每一件都厚肉多汁，唔會好像其他餐廳咁一係肥膏多過肉、一係肉量勁少。外表輕輕炸至微燶，肉汁不斷流出，非常香口。薄荷葉炸至脆身，油膩感中帶一點清涼感。滿滿蜆肉蝴蝶粉（⭐⭐⭐⭐⭐）不得不驚嘆份量十足，至少有30隻蜆，十分新鮮冇沙，每一隻鮮甜有海水味，餐廳火候控制得好，蜆肉不會從殼中掉出。白汁亦調教適宜，不會有肥膩感，還食到濃郁的蒜頭和白酒味。蝴蝶粉亦唔好睇少佢，睇得出餐廳用心煮，口感仍然十分彈牙，唔會粉漿咁既口感，令成道菜式錦上添花！牛骨髓吐司（⭐⭐⭐⭐⭐）甚少見到餐廳有此法國菜式，果然冇失望。牛骨髓味香，但本來就比較淡口，所以餐廳用上濃味一點的烤法，加入大量蒜蓉和蘑菇，配多士減少油膩感。骨髓滑口，帶一點牛味，搽上麵包後散發淡淡牛油香，作為前菜一流。燒羅馬菜梨合桃沙律（⭐⭐⭐⭐⭐）用上新鮮羅馬生菜同切片啤梨，經炭燒後非常有炭香，蔬菜燒至微乾，更好吸收到沙律醬的酸甜口味。西班牙油
香草羊架（6枝骨）配脆薄荷葉（⭐⭐⭐⭐⭐）餐廳定價親民，六支骨都係$138，簡直大癲。每一件都厚肉多汁，唔會好像其他餐廳咁一係肥膏多過肉、一係肉量勁少。外表輕輕炸至微燶，肉汁不斷流出，非常香口。薄荷葉炸至脆身，油膩感中帶一點清涼感。
滿滿蜆肉蝴蝶粉（⭐⭐⭐⭐⭐）不得不驚嘆份量十足，至少有30隻蜆，十分新鮮冇沙，每一隻鮮甜有海水味，餐廳火候控制得好，蜆肉不會從殼中掉出。白汁亦調教適宜，不會有肥膩感，還食到濃郁的蒜頭和白酒味。蝴蝶粉亦唔好睇少佢，睇得出餐廳用心煮，口感仍然十分彈牙，唔會粉漿咁既口感，令成道菜式錦上添花！
牛骨髓吐司（⭐⭐⭐⭐⭐）甚少見到餐廳有此法國菜式，果然冇失望。牛骨髓味香，但本來就比較淡口，所以餐廳用上濃味一點的烤法，加入大量蒜蓉和蘑菇，配多士減少油膩感。骨髓滑口，帶一點牛味，搽上麵包後散發淡淡牛油香，作為前菜一流。
燒羅馬菜梨合桃沙律（⭐⭐⭐⭐⭐）用上新鮮羅馬生菜同切片啤梨，經炭燒後非常有炭香，蔬菜燒至微乾，更好吸收到沙律醬的酸甜口味。
西班牙油炸鬼配雪糕（⭐⭐⭐⭐⭐）十分欣賞油炸鬼外層舖滿黑糖，每一條都脆身鬆軟，朱古力醬十分濃郁，淋上油炸鬼有點邪惡，但十分滿足！軟雪糕由餐廳自家製作，食到微微的開心果粒，真材實料，味道濃郁。
Green Apple Mojitos（⭐⭐⭐⭐⭐）好好飲的mojito，薄荷十分清涼，青檸清甜，有氣嘅梳打水更是刺激味蕾，飯後飲一杯，真係冰涼清爽，一掃主菜們的油膩感！
~~~~~~~~~~~~~~~~~~~~~~~~~~The Steakhaus 太子太子道西91-91A號地舖
👍出色味道
👍地點方便
👍環境舒適
張貼
