The Salted Pig (MegaBox)

營業中

休息中

Megabox 睇完戲出黎，見到呢間餐廳晚市套餐都幾多選擇，於是同老公試下。餐廳環境超大，餐廳採用摺門，將全部門打開，更顯極大空間感。而且座位好闊落，坐得好舒服。晚餐套餐  $198/位頭盤老公揀咗海鮮蕃茄湯，我就揀咗帶子刺身。海鮮蕃茄湯海鮮蕃茄湯材料好足，有蜆、青口、魚、蝦，蝦肉彈牙，加入蕃茄醬同辣椒片，味道幾辣，飲完好醒胃。日本帶子刺身、柚子豉油帶子刺身好新鮮，配上柚子豉油，更突出左帶子嘅鮮甜。辣吞拿魚芒果意大利飯意大利飯軟硬適中，吞拿魚同芒果份量都幾多。意大利飯用上烘培芝麻汁、墨西哥辣椒。辣椒辣味再配上芒果甜味，味道甜甜辣辣，估唔到咁夾。燒阿根廷肉眼、雜菜沙律、薯條  +$100燒阿根廷肉眼有12安士，好大份。肉眼點左7成熟，入口肉味濃郁。旁邊配上新鮮嘅雜菜沙律，可以中和一下肉嘅油膩感。Brownie  +$18套餐甜品本來想食法式焦糖燉蛋，好可惜賣晒，於是侍應推介我哋食Brownie。Brownie 唔太甜，朱古力味濃，又估唔到又幾好食，為今餐晚飯劃上完美句號。