影片
更多
2023-01-10
1782 瀏覽
身邊嘅朋友好多都寫過呢間，終於到我啦。又唔係勁期待，但講真荷蘭菜真係未食過，聽都唔多，除左風車同大麻合法仲有芝士好食之外，仲有啲乜嘢好呢？原來荷蘭海鮮好鬼出名，你又知唔知？朋友之前都係一碟碟叫，但係原來有一個好似廚師發辦咁嘅餐單，仲要有wine pairing ，而佢嘅餐單食盡全部好食又出名嘅海鮮菜式，作為第一次嚟嘅朋友，叫呢個餐單非常適合。首先一定要讚餐廳嘅環境，好開揚好舒服，都幾多唔同嘅荷蘭擺設。兩個小食上場，一個係加上洋蔥嘅荷蘭腸，一個係Pitterball，勁多肉汁，同我平時了解到嘅荷蘭菜好唔同，勁期待。前菜係荷蘭希靈魚，加上了淡淡的沙沙醬，下面放上一隻荷蘭青口，呢一個好傳統喺歐洲可以食到嘅魚類菜式，個味道好醒神，完全係不折不扣嘅傳統歐洲菜。野生鰻魚，經六個鐘煙燻後，個味真係好精彩，用上自家沙律醬，個底又有好多沙律菜，令其鮮味更加突出。有朋友特登嚟為咗個青口來食飯，可想而知幾出色，好彩今晚有貨，唔係成日有嘅荷蘭青口，個湯點意大利麵包真係好正，脆脆嘅麵包，加上飽滿嘅青口，好得。佢嘅龍蝦湯我都真心覺得係幾出色，酒香同大件嘅龍蝦肉。荷蘭傲蝦，我真係未聽過，原來呢個都係好少見到嘅蝦類品
身邊嘅朋友好多都寫過呢間，終於到我啦。
又唔係勁期待，但講真荷蘭菜真係未食過，聽都唔多，除左風車同大麻合法仲有芝士好食之外，仲有啲乜嘢好呢？原來荷蘭海鮮好鬼出名，你又知唔知？
朋友之前都係一碟碟叫，但係原來有一個好似廚師發辦咁嘅餐單，仲要有wine pairing ，而佢嘅餐單食盡全部好食又出名嘅海鮮菜式，作為第一次嚟嘅朋友，叫呢個餐單非常適合。
首先一定要讚餐廳嘅環境，好開揚好舒服，都幾多唔同嘅荷蘭擺設。
兩個小食上場，一個係加上洋蔥嘅荷蘭腸，一個係Pitterball，勁多肉汁，同我平時了解到嘅荷蘭菜好唔同，勁期待。
前菜係荷蘭希靈魚，加上了淡淡的沙沙醬，下面放上一隻荷蘭青口，呢一個好傳統喺歐洲可以食到嘅魚類菜式，個味道好醒神，完全係不折不扣嘅傳統歐洲菜。
野生鰻魚，經六個鐘煙燻後，個味真係好精彩，用上自家沙律醬，個底又有好多沙律菜，令其鮮味更加突出。
有朋友特登嚟為咗個青口來食飯，可想而知幾出色，好彩今晚有貨，唔係成日有嘅荷蘭青口，個湯點意大利麵包真係好正，脆脆嘅麵包，加上飽滿嘅青口，好得。
佢嘅龍蝦湯我都真心覺得係幾出色，酒香同大件嘅龍蝦肉。
荷蘭傲蝦，我真係未聽過，原來呢個都係好少見到嘅蝦類品種，簡單煎香，唔需要多用其他醬汁，還有用上一種比較少見嘅意粉，我覺得反而有點像意大利飯，傲蝦嘅肉質唔係爽口，但有種濃烈嘅海水感覺，唔知點解極似瀨尿蝦。
荷蘭北海來的龍脷柳，菠菜係底，咁大條嘅龍脷柳都真係極度震撼，同平時我哋香港食到嘅質素唔同，而且由於廚師係荷蘭華僑嘅關係同我哋食開嘅處理都真係好大分別，個人都幾鍾意呢個味道。
唯一唔係海鮮嘅一個主菜，美國安格斯牛，荷蘭芝士同薯蓉，同剛剛吃過的感覺完全不同，味道上對較為簡單，如果呢個菜式都係海鮮，應該感覺完美。不過佢個芝士脆脆真係做得好好，果然係荷蘭嘅朋友。
由於今晚我哋狀態普通，所以淨係試3支嘅wine pairing ，不過酒就選得唔錯。最後嘅甜品Apple crumble加雪糕都唔係求其。
講真都算滿意，雖然價錢唔算平，但係要食得特別又好食都係一個幾好嘅新菜式選擇。
張貼
