Thai Fire

今日同朋友一齊嚟到呢一間泰式餐廳食lunch，呢一間泰式餐廳同其他泰式餐廳有少許唔同，佢係以泰國北部嘅味道為一個藍本去烹飪嘅菜式，大家都知道泰北菜嘅辣唔係每一個香港人都可以接受得到，所以透過佢哋嘅侍應話俾我知，佢哋廚師從中都改良過有關嘅辣味，但又唔會缺乏咗泰北菜嘅惹味。我哋嗌咗三個嘢食同2杯嘢飲，炸魚餅，雞扒沙律同埋豬手飯。炸魚餅睇落平平無奇，冇乜特別，但係咬落去嘅時候嗰個肉汁就唧咗出嚟，外脆內嫩，唔厚身唔嚡，仲有魚肉本身嗰個鮮味，點啲泰式辣醬仲可以帶出佢嘅泰北味道。豬手飯隻豬手雖然表面上有啲黑，但係食落嘅口感好彈牙，豬手點咪個酸辣汁，肥而不膩，口感豐富，送飯真係一流。再值得稱讚嘅係雞扒沙律，個沙律同平時嗰啲唔同，佢加咗啲柚子肉同埋一啲秘製嘅醬汁，酸酸辣辣，加埋柚子肉果種清新感，感覺好特別，雞扒外脆內嫩，沙律夾埋啲雞扒一齊食，即時增加口感嘅層次，口感好豐富。提醒下，個秘製汁越食越辣，好過癮，回味無窮。水蜜桃沙冰，都算有特色，唔係好甜，飲完都好開胃。由於我當日仲未飲咖啡，所以嗌咗杯玫瑰咖啡，好香玫瑰味，加咪咖啡好香濃，飲落好滑，真係可以一試。但就講真食泰國菜都係唔好飲咖啡啦，下次都係要配