小曼谷泰國美食 (已搬遷) 新店位置

九龍城不嬲都有好多泰國餐廳，但我都係鐘情於小曼谷。今次嚟到就叫咗個泰式黃金蝦、泰式拼盤同金邊粉。見到個黃金蝦就知佢有幾重料，啲蛋黃完全舖滿晒咁多隻蝦，好香呀，又啖啖肉。而拼盤就有蝦餅、魚餅、春卷同荷葉包雞。(嗰日冇荷葉包雞，用咗另一種雞去代替) 我就叫咗個小拼盤，每款有兩件，如果兩個人食就啱啱好，唔使爭。另外，個泰式金邊粉係非常非常非常入味。我不嬲去食泰國餐廳都會食金邊粉，但呢間係可以比滿分。嘢飲方便就叫左芒果冰沙同青檸冰沙，係呢個炎炎夏日，唔飲番杯冰沙真係唔得點掂呀。