459
28
10
| 餐廳: | 小曼谷泰國美食 (南角道) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
開飯介紹
由細舖搬到大舖，人氣多年不減。餐廳選擇豐富，供應多款串燒，即叫即燒。推介冬蔭功湯及咖喱蟹。
繼續閱讀
營業時間
今日營業
11:00 - 01:00
星期一至日
11:00 - 01:00
以上資料只供參考, 請與餐廳確認詳情
有關獎賞計劃
喺九龍城南角道呢一條街，相信都係全港出晒名嘅泰國匯聚地方，😛基本上大部份所見到嘅餐廳都離唔開泰國，就連裏面亦都有一啲泰國特色嘅店舖，想食正宗嘅泰菜，通常都係會推介呢一度。🥰有一間相對嚟講都長期多客人就係呢間小曼谷泰國美食，餐牌大部份嘅選擇都離唔開泰國最正宗嘅幾道菜。我自己都專登揀咗幾款嚟享受一下😋泰皇咖喱軟殼蟹配薄餅— 🦀餐廳高度推介咖喱，泰國嘅咖喱最特別嘅地方就係鮮黃色裏面加入咗大量嘅配料，🍛特別係青椒黃椒洋蔥同埋加入咗蛋液，令到成個咖喱底非常濃郁，無論係食材定係白飯配合埋都係天衣無縫完美掛汁。🍛軟殼蟹同咖喱亦都係息息相關，原隻軟殼蟹炸完之後，皮脆肉軟，尤其是蟹殼嗰度仲蘊藏住唔少嘅蟹黃，🦀非常香口，點埋個咖喱汁仲更加滋味，我就選擇咗薄餅貪佢夠脆，充滿咗牛油香而且同咖喱亦都非常配合，🍛唔想食飯唔想食麵嘅話要薄餅絕對係不二之選🦀串燒拼盤— 🍢喺泰國唔少得正宗嘅沙嗲串燒啦， 唔想左揀右揀直接要個串燒拼盤裏面就包含咗泰式臘腸雞肉牛肉豬肉同埋雞全翼各一串。 🍢泰式臘腸外表同港式臘腸差唔多，但係裏面嘅肉香同埋水潤度更加高，同台灣腸嘅感覺差唔多， 🍢燒完反而更加香同埋油脂會突出一啲。 雞肉牛肉同豬肉非常嫩， 🍖用咗比較瘦嘅部份，所以食唔出油脂位，咁就可以大大啖每一啖都係飽滿嘅肉🍖最後喺泰國成日都離唔開嘅甜品一定係芒果糯米飯，🥭喺呢一度都可以品嚐到正宗嘅芒果糯米飯，粒粒芒果都係鮮黃色，而且多汁又唔酸，🥭絕對係新鮮嘅表現，至於暖笠笠嘅糯米飯配埋椰汁更加係經典之作，🥭濃郁嘅椰汁好好咁包住糯米嘅米香，煙韌，但又唔黐牙，一試難忘，絕對要高度推介🥭選擇飲品嘅時候徘徊喺泰國椰青定係椰汁冰已呢一度就可以一杯滿足兩個願望就係椰汁沙冰，🧉會感受到底部有啲椰子水嘅清甜，但係上面就有椰奶冰嘅質地，而且裏面每一啖你都會食到椰肉碎，真材實料，真係唔「椰」少🧉小曼谷泰國美食 (南角道) (九龍城)九龍城南角道9-11號地舖
繼續閱讀
黎到九龍城，基本上係食泰國菜，呢間餐廳都幾出名，所以帶朋友黎食下。每日都有至筍優惠，38蚊真係好難唔心動，就叫黎食下✨泰皇咖喱炒紐西蘭青口38蚊以為細細份啦，點知超級大盤！咖喱椰奶香甜，青口質素唔差，彈牙爽口，物有所值，難怪檯檯都叫啦！可以叫個薄餅黎撈咖喱真係一流✨沙嗲串燒：豬肉，牛肉，翠玉瓜，雞全翼 唔錯✨燒脆皮白鱔(兩串) 好香炭燒味 食既時候小心有細骨✨曼谷夜市火山骨 超級大份 真係一座山 微酸微辣✨小曼谷原隻芒果糯米飯 最緊要有個靚芒果，芒果香甜多汁，再淋上椰漿真係好好味✨椰青同泰式龍眼冰 滿足呀
繼續閱讀
黎九龍城梗係食泰國嘢啦，呢間係每次都會嚟食💕先黎串燒（豬、雞）燒得恰到好處，配沙嗲醬真係好夾😋😋😋酸辣鳳爪 $29好辣好酸，味道好開胃！安格斯西冷牛小排配白飯 ( $ 125 )牛小排牛味濃郁，香烤後炭香四溢，軟熟好嚼口，估唔到食泰菜都試到咁高質既烤牛肉泰皇咖喱蒜蓉包軟殼蟹$125軟殻蟹配咖喱汁簡直係Perfect match😍軟殼蟹香脆份量都足夠兩個人食，蒜蓉包外脆內軟 索哂咖喱嘅精華法包超好食📍小曼谷泰國美食 (南角道) (九龍城)九龍城南角道9-11號地舖
繼續閱讀
來到九龍城，梗係要食泰國菜，和朋友逛了一圈，最後選擇了位於南角道的「小曼谷泰國美食」。 餐廳有兩間店舖，坐位蠻多，牆身以灰色為主調。 食物選擇款式亦很多，包括：廚師精選推介、海鮮、飯類、炒菜…等等。餐廳正推出日日至筍優惠，每日指定菜式，夜市堂食只需38元。😋餐廳使用QR code點餐，是日選擇：1️⃣泰國熱爆火山骨 🍽肉質偏瘦，酸酸辣辣的湯頭，刺激您的味蕾。 2️⃣風味燒豬頸肉 🍽豬頸肉香口，再沾上秘製醬汁，夠惹味！ 3️⃣泰式馬拉盞炒通菜 🍽鮮嫩清爽的通菜，配上馬拉盞，味道夠濃味。 4️⃣泰式干炒豬肉片河 🍽豬肉片肥瘦適中，河粉很大片，還有其他配料，鑊氣與香氣十足。
繼續閱讀
因事行經九龍城，心思思想食泰菜，正好見到一間相連舖位的泰國菜館。睇過餐牌，見款式多，價錢合理，又未食過，今日就入去試下😀。泰式燒原隻魷魚 $165.-魷魚好新鮮肉厚😍，燒至表面乾身香口，口感彈牙軟滑，點埋泰式酸辣汁一齊食，更加好味又醒胃。黃咖哩牛腩 $108.- 及 薄餅 $48.-牛腩及薯仔都炆得軟腍入味，咖哩味道濃郁，濃稠度適中。簿餅熱辣辣非常鬆脆😍，點埋咖喱汁，味道更香。鮮芒蟹肉炒飯 $118.-飯底炒至粒粒分明又軟熟，混入芒果粒香甜多汁及鮮味的蟹肉絲，香香甜甜，口感豐富😋。泰式鮮蝦炒金邊粉 $108.-金邊粉炒得乾身，口感柔韌軟滑，鮮蝦口感爽彈味甜😍。小曼谷原隻芒果糯米飯 $88.-芒果香甜多汁🥰，果肉厚身細緻，糯米飯軟熟，加埋香甜的椰醬，簡直係絕配。菠蘿沙冰 及 椰皇沙冰 每杯$42.-兩款沙冰味道各具特色，味道香甜，口感幼滑，搭配泰式餸菜，簡直一流。
繼續閱讀