影片
更多
2019-05-05
140 瀏覽
有人慶祝鍾意玩大鑼大鼓，有人鍾意靜靜哋享受快樂時光，今晚嚟到大坑嘅SOCIAL HOUSE，旺中帶靜，情調都唔錯。現場好多係摸住酒杯底，傾偈聚會嘅客人，感覺RELAXING。落咗ORDER，侍應好快就奉上麵包，有香草，有百吉，已經食到停唔到喇。跟住嚟一個無花果沙律，簡單嘅橄欖油、陳醋，配搭新鮮嘅沙律菜同甜甜嘅無花果，感覺好清新。清新過後，嚟個意大利風乾火腿食吓先，香軟嘅火腿幾時都令人想食多兩啖。餐廳都好細心咁喺個底度放咗哈蜜瓜，幫你配埋，唔駛諗。魷魚圈有時唔一定炸嘅先好味，好似呢個加啲辣椒，配埋CHORIZO，都好惹味，好開胃。魷魚圈嘅份量，一啲都唔欺場，食到呢度，已經半飽。雖然係咁，海鮮都總係無人嫌多，嚟多個香草汁煮蜆啦！蜆大大隻，配埋個汁真係幾飽都要掃哂佢。朋友無咁細食，點都要有啲飽肚嘢落肚先夠喉，叫個意粉嚟食吓吧！一上枱就有好香嘅菇菌味，叉起嚟發現係pappardelle嗰啲闊度，咁就啱喇，夠哂掛汁。加埋嫩滑嘅鴨胸，又幾好味喎。食咗咁多嘢，仲未係散場嘅時候，預先準備嘅生日甜品，係時候出場喇！雪糕加MOUSSE係好味，但面頭嗰啲杏仁片先係最好食，好鬆脆，邊個話生日一定要食蛋糕架？識
現場好多係摸住酒杯底，傾偈聚會嘅客人，感覺RELAXING。落咗ORDER，侍應好快就奉上麵包，有香草，有百吉，已經食到停唔到喇。
跟住嚟一個無花果沙律，簡單嘅橄欖油、陳醋，配搭新鮮嘅沙律菜同甜甜嘅無花果，感覺好清新。
清新過後，嚟個意大利風乾火腿食吓先，香軟嘅火腿幾時都令人想食多兩啖。餐廳都好細心咁喺個底度放咗哈蜜瓜，幫你配埋，唔駛諗。
魷魚圈有時唔一定炸嘅先好味，好似呢個加啲辣椒，配埋CHORIZO，都好惹味，好開胃。魷魚圈嘅份量，一啲都唔欺場，食到呢度，已經半飽。雖然係咁，海鮮都總係無人嫌多，嚟多個香草汁煮蜆啦！蜆大大隻，配埋個汁真係幾飽都要掃哂佢。
朋友無咁細食，點都要有啲飽肚嘢落肚先夠喉，叫個意粉嚟食吓吧！一上枱就有好香嘅菇菌味，叉起嚟發現係pappardelle嗰啲闊度，咁就啱喇，夠哂掛汁。加埋嫩滑嘅鴨胸，又幾好味喎。
食咗咁多嘢，仲未係散場嘅時候，預先準備嘅生日甜品，係時候出場喇！雪糕加MOUSSE係好味，但面頭嗰啲杏仁片先係最好食，好鬆脆，邊個話生日一定要食蛋糕架？識食嘅，梗係食雪糕啦！
張貼
