cafe TOO

去咗港島 Shangri-la 嘅Cafe TOO食下午茶buffet, 選擇唔算多，而家仲做梗泰式 x 港式 嘅主題，不過係有啲奇怪，兩個主題完全無cross over 嘅必要，點解唔盡力主打一樣，去盡佢算？！勁奇怪，泰式但就淨係得salad bar 有啲泰式沙律就泰式咗，熱食一樣泰式嘢都無喎。港式又係，有雞蛋仔碗仔翅西多士有啲懷舊糖，但又係得幾樣，感覺好似個無一個好特定嘅主題，咩都有啲，但又有啲平時buffet 見到嘅嘢咁。礙於我本身嗰日有啲唔舒服，所以唔係食咗好多嘢，食物質素，酒店嚟講好普通，average 啦，啲嘢係幾新鮮，好似魚生嗰啲都幾鮮甜，pastry 幾好食，甜品就普通，係美心東海堂嘅質素。主題嘢泰式沙律嗰啲，睇見都無咩吸引力，港式主題就得西多好食啲，個雞蛋仔唔脆好腍但擺咗好耐凍咗好麻麻，自助山食嗰個雞蛋仔好食好多倍。抵食係幾抵嘅，幾百蚊一個人，淨係食魚生+雪糕都抵返，但係酒店嚟講，味道就好普通，無驚喜可言，有好幾樣睇樣都唔想食。服務態度好好，廁所好靚，完。