Classified (交易廣場) (已結業)

是日係中環食個lunch就要趕住返office啦，係IFC又無咩想食，諗起呢度新開左一段時間，就上左黎呢度食野啦。大概下午一點黎到，仲驚好多人無位，結果都唔係好滿咋喎，即刻搵到個位坐。喜歡呢度既環境，有窗可以望到出面既環境，另外有原木既Dining Table舒適自然，坐低睇下報紙雜誌等，感覺真悠閒~是日都幾肚餓，叫左一客linguine carbonara加一杯caffe latte，就係我既午餐啦。caffe latte 先黎到，溫度夠熱，不過表面奶泡唔算好幼滑，都有少少奶香，但係咖啡味實在幾淡下...... 所以唔係幾苦亦唔澀的~ 之後再等多十分鐘到就有野食啦，linguine carbonara賣相幾吸引的，不過食落都係一般咋喎~ 醬汁感覺好濃，但食落味道都係較淡，沒什麼蛋香呢~ 意粉煮得都ok的，雖不算al dente但起碼都不算太淋的~ 不過另一樣好奇怪的就係除左煙肉外，仲加左一D火腿，味道幾鹹而且同個意粉味道唔太夾... 嗯... 所以都係麻麻地~ 好彩份量唔算好大，都勉強完成到的~不過我留意到係呢度食野既人大部分都係食唔哂D食物的.... 唔知係太膩定係份量太大呢???