影片
更多
2024-04-23
25 瀏覽
想食正宗嘅日本燒鳥唔一定要去日本先食到，喺香港一樣都可以食到超水準又高質嘅日本串燒，今晚約咗Foodie朋友仔去天文臺圍「SAKEH」食餐好飲返杯🍶我地嗌咗支匠京姫純米大吟釀，入口順滑香甜米味香濃，啱晒配搭日式串燒，一邊品嚐美食一邊小酌一番，爽YY😌用OpenRice訂枱每人仲會贈送日本生蠔，生蠔肥美爽甜配上酸汁更加能夠提升鮮味👍🏻入正題啦，今晚我哋嗌咗10款串燒，一個丼飯，樣樣都有驚喜🉐西班牙豬腩肉肥瘦相間嘅豬腩肉，外面燒到微微焦香，油脂分布均勻，咬落去肉質非常juicy而且一啲都唔膩，超正雞肝雞肝起沙嘅口感係我嘅最愛，雞肝燒得外脆內軟裡面粉粉嫩嫩再配上燒汁簡直係最佳嘅配搭雞腎一啖一粒，爽口Q彈，火候控制得非常好生熟程度啱啱好，鍾意食內臟嘅朋友仔唔好錯過雞軟骨師傅功架十足，每粒雞軟骨入口都係脆卜卜，而且一啲都唔乾身，啱晒用黎送酒自家製免治雞肉軟骨必點招牌菜👍🏻咬落去食到鬆軟嘅免治雞肉，加上雞軟骨，口感非常豐富，再配上香濃嘅蛋汁令到雞肉更加軟滑汁燒牛肋肉肉質較為厚實最適合用黎做串燒，酸酸甜甜嘅燒汁配上鮮嫩嘅牛肋肉，入口充滿肉汁，推介👍🏻馬刀貝馬刀貝即係燒蟶子皇，加上香蔥去燒烤已經不需要
西班牙豬腩肉
肥瘦相間嘅豬腩肉，外面燒到微微焦香，油脂分布均勻，咬落去肉質非常juicy而且一啲都唔膩，超正
雞肝
雞肝起沙嘅口感係我嘅最愛，雞肝燒得外脆內軟裡面粉粉嫩嫩再配上燒汁簡直係最佳嘅配搭
雞腎
一啖一粒，爽口Q彈，火候控制得非常好生熟程度啱啱好，鍾意食內臟嘅朋友仔唔好錯過
雞軟骨
師傅功架十足，每粒雞軟骨入口都係脆卜卜，而且一啲都唔乾身，啱晒用黎送酒
自家製免治雞肉軟骨
必點招牌菜👍🏻咬落去食到鬆軟嘅免治雞肉，加上雞軟骨，口感非常豐富，再配上香濃嘅蛋汁令到雞肉更加軟滑
汁燒牛肋肉
肉質較為厚實最適合用黎做串燒，酸酸甜甜嘅燒汁配上鮮嫩嘅牛肋肉，入口充滿肉汁，推介👍🏻
馬刀貝
馬刀貝即係燒蟶子皇，加上香蔥去燒烤已經不需要落其他調味，入口鮮甜肥美又爽口
雞肩肉
餐廳會有幾款隱藏菜式，店員會逐一向你推介，我地嗌咗其中兩款，雞肩肉脂肪較少，肉質緊緻有彈性，外面燒到焦香裡面依然充滿肉汁，鮮味十足
蒜蓉牛油燒日本元貝
另一款隱藏菜式👍🏻元貝厚肉雪白，味道鮮甜，加入蒜蓉牛油去燒烤，令元貝帶有濃郁嘅蒜味同奶香，更加能突出海鮮嘅鮮味
厚切牛脷芯
必點🉐牛脷芯爽口彈牙有嚼勁，中間位置特別爽嫩juicy，越咀嚼牛味越濃烈，灑上黑椒去燒烤，惹味又香口，與清酒絕配
封門柳飯
我強烈推介最後一定要嗌呢個主食，餐廳除咗串燒出色以外，封門柳飯絕對有驚喜😋一上枱時牛肉嘅色澤已經非常吸引，中間粉嫩軟腍，肉味濃郁充滿肉汁，丼飯配上多種菇類同翠玉瓜，既有肉又有蔬菜配搭，實在係飲飽食醉嘅一晚🍶😋
📍SAKEH (尖沙咀)
尖沙咀天文臺圍5-9號寶軒酒店地舖及1樓
人均消費：$500-600
食物：⭐️⭐️⭐️⭐️⭐️
環境：⭐️⭐️⭐️⭐️⭐️
回頭率：⭐️⭐️⭐️⭐️⭐️
張貼
