百花漁莊 (已結業)

鄰近灣仔利東街嘅QRE Plaza新開左間餐廳，下午有得飲茶，夜晚主打粥底火鍋、打邊爐，趁公假嘅前一晚，放工後同親戚打個邊爐。湯底可以揀單鍋、鴛鴦鍋同埋粥底火鍋，我哋揀咗鴛鴦鍋，分別係金腿蟲草花花膠雞鍋，有新鮮雞件、杞子同埋蟲草花，好養生！同埋野菌豆乳鍋，有菇同埋豆腐，形成奶白色嘅湯底，就咁飲都好好味！有好多海鮮可以揀！仲有好多肉類同丸類都可以揀全份或者半份，所以就算人數多少都可以放心點想食嘅食材。我哋點咗四款牛肉，竟然有牛骨髓可以點，仲有麻辣牛肉，佈滿辣香料，肉質軟軟，鍾意食辣嘅超適合點！