Pulau

營業中

休息中

餐廳：Pulau地點：中環街市菜式：新加坡菜餐牌：兩點有茶餐。茶餐有9款飯粉麵作為主食，另外仲有多款輕食。價錢基本上係$80樓下。可以加錢要通菜或者汽水。去收銀落完單自己搵位坐。新加坡白胡椒肉骨茶配雞油香飯及油條 $72新加坡白胡椒肉骨茶好大碗，入面有排骨3件，豬肚4片，同原隻蒜。排骨都有唔少肉食，算淋。豬肚好爽口。蒜好淋。個湯白胡椒味非常重，少少辣喉嚨。另配豉油，辣椒，蒜蓉比你自己調味。雞油香飯大大碗，味道口感都唔錯。油條另上，少少脆。豬頸肉喇沙摻摻 $68 摻摻係黃色粗麵加幼身粉絲，粗麵有咬口而粉絲幼滑吸汁，呢個配搭加埋爽口芽菜超正！個喇沙湯香滑，辣度剛好，梛汁又夠，好惹味。配料有5片豬頸肉，好脆口有肉味又唔肥。其他配料有吸汁豆卜4件，半隻糖心蛋，豆角同脆脆。材料好豐富，水準真係好好。呢個價錢超抵。海南雞喇沙摻摻 $62六件海南雞超嫩滑，雞有雞味，好味又健康。馬拉盞通菜 加$32加配馬拉盞通菜用紙兜上，份量都唔少。有莖有葉，葉嫩莖脆，馬拉盞份量剛好，好夠味。總括而言，主食超抵食，我自己特別鍾意喇沙摻摻。