Pâtisserie Tony Wong

營業中

休息中

Pâtisserie Tony Wong嘅蛋糕不嬲都好出名 咁岩經過緊係入去試試佢😋今次揀咗三款蛋糕🍰同朱古力爆炸雪茄禮盒😛✨芒果椰子蛋糕🍰成件蛋糕都係用新鮮嘅芒果皮包住，有好香濃嘅芒果味，甜度啱啱好！將清香嘅椰子味、香甜嘅芒果慕絲配埋質感鬆軟同蛋味濃郁嘅蛋糕一齊食，超級夾😌✨柚子芝麻蛋糕🍰一食落口就散發出淡淡芝麻香嘅蛋糕，配埋清新嘅柚子軟滑忌廉，餅底仲用咗脆脆做底添，入口甜又唔會太膩，口感食落好fresh同好有層次感😆✨朱古力紅桑莓蛋糕🍰蛋糕用咗玫瑰花造型真係好吸引呀，一瓣瓣嘅玫瑰做到好精緻，感覺好高貴🌹用咗黑朱古力所以一啲都唔甜！而且蛋糕餡裏面嘅紅桑莓醬果味好突出又唔會好酸！香濃嘅黑朱古力慕絲配紅桑莓醬一齊食，又好好食喎😋✨朱古力爆炸雪茄禮盒唔知大家有冇食過爆炸糖呢？呢隻朱古力係獨立包裝嫁！食個陣有種好濃郁嘅黑朱古力味，餅乾食落好脆！最得意嘅係你咬咗幾啖之後會感覺到爆炸糖係你口裏面炸緊咁😂未試過嘅大家可以試試佢 感覺好特別😝