影片
更多
2025-03-05
183 瀏覽
今日同朋友去咗一間高級西餐廳食飯，叫咗兩個套餐，分別係 set dinner $398 同 tasting menu $598餐廳唔近地鐵，要行10幾分鐘先到🤧裝修有兩盞好華麗嘅大吊燈，大細一眼晒，設計色調用藍色牆同紅色地氈為主-🌟Tasting menu $598包前菜、餐湯餐包、主菜、甜品、飲品🌟煙三文魚沙律配蜜糖芥末醬呢個前菜都幾大碟，煙三文魚有兩片😗🌟牛肝菌野菌忌廉湯首先個忌廉拉花好靚🤣有好多菇菌，所以勁香，入口仲有一種冬菇乾嘅味道😂🌟自家製牛骨髓牛油包佢本身麵包有啲香料喺入面，有輕輕烘過，另外牛骨髓同海鹽伴碟，其實我都係第一次食🙊牛骨髓係凍嘅，鹹鹹地唔係好濃味，麵包外脆內軟，好細嚿好快就食晒🙈🌟黑松露鵝肝威靈頓牛柳首先個賣相已經好加分，仲有一條百里香插咗喺面，整體呈現感覺好似菠蘿呀🤣🤣威靈頓牛柳外層嘅酥皮金黃酥脆，切開之後，牛柳嘅粉紅色澤令人垂涎三尺，中間夾住黑松露嘅香氣，但係又唔會話喧賓奪主，整體平衡得好好❤️🌟🌟特濃開心果麻糬杯呢個甜品真係為成餐飯畫上完美句號！開心果嘅香氣濃郁，而且口感厚滑，好順口，麻糬係似日本嘅白玉，口感煙韌，配埋開心果慕絲一齊食！好夾！食完之後仲有種意
今日同朋友去咗一間高級西餐廳食飯，叫咗兩個套餐，分別係 set dinner $398 同 tasting menu $598
餐廳唔近地鐵，要行10幾分鐘先到🤧裝修有兩盞好華麗嘅大吊燈，大細一眼晒，設計色調用藍色牆同紅色地氈為主
-
🌟Tasting menu $598
包前菜、餐湯餐包、主菜、甜品、飲品
🌟煙三文魚沙律配蜜糖芥末醬
呢個前菜都幾大碟，煙三文魚有兩片😗
🌟牛肝菌野菌忌廉湯
首先個忌廉拉花好靚🤣有好多菇菌，所以勁香，入口仲有一種冬菇乾嘅味道😂
🌟自家製牛骨髓牛油包佢本身麵包有啲香料喺入面，有輕輕烘過，另外牛骨髓同海鹽伴碟，其實我都係第一次食🙊牛骨髓係凍嘅，鹹鹹地唔係好濃味，麵包外脆內軟，好細嚿好快就食晒🙈
🌟黑松露鵝肝威靈頓牛柳首先個賣相已經好加分，仲有一條百里香插咗喺面，整體呈現感覺好似菠蘿呀🤣🤣威靈頓牛柳外層嘅酥皮金黃酥脆，切開之後，牛柳嘅粉紅色澤令人垂涎三尺，中間夾住黑松露嘅香氣，但係又唔會話喧賓奪主，整體平衡得好好❤️
🌟🌟特濃開心果麻糬杯
呢個甜品真係為成餐飯畫上完美句號！開心果嘅香氣濃郁，而且口感厚滑，好順口，麻糬係似日本嘅白玉，口感煙韌，配埋開心果慕絲一齊食！好夾！食完之後仲有種意猶未盡嘅感覺！推介💕
-
🌟Set dinner $398
前菜、餐湯餐包、主菜、飲品
🌟凱撒沙律（牛）
呢個沙律有得揀牛肉都幾特別，份量有三塊，煎得幾香口，唔會過老，經典嘅凱撒沙律醬同脆口嘅麵包粒，味道正常💕
-
至於餐湯同麵包係同另一個套餐一樣💕
🌟香煎澳洲PR級草飼肉眼
主菜叫咗牛扒，講咗三成熟，廚師拿捏得好好，肉質細嫩，煎得啱啱好，外層微微焦香，內裡保持住粉紅色嘅肉質，咬落去肉汁四溢，牛味濃郁得嚟又唔會太膩。
-
成晚見到兩個店員都好忙，不過再忙佢哋都係笑笑口咁應對客人嘅要求🙌🏻非常友善，但係價錢覺得有啲貴🤧
張貼
