影片
更多
2025-05-20
0 瀏覽
原本係喺社交媒體網站上面見到呢間餐廳俾佢個vibe同埋嘢食吸引左。之後我再上OpenRice度睇評分同埋comment見都唔錯，所以就book同女朋友一齊去食。一入到去氣氛的確係幾好又有DJ係度打碟。一坐低侍應就同我地講話用餐時間為1小時45分而每人亦要嗌一杯酒，我就覺得用餐時間冇問題但係點解一定要每人嗌一杯酒 仲要啲洒鬼死咁貴杯都成$148。我哋分別叫咗安格斯肉眼扒$368、黑松露牛肝菌意大利雲吞$188、兩杯野飲$296、Tiramisu $138再加埋免費送嘅三種味薯條。薯條都冇乜特別 中規中矩咁比起M記好食少少咁。牛扒叫咗medium well 冇overcooked 的 但是冇乜肉汁 味道普普通通咁。之後個意大利雲吞先不得了，味道太濃同埋鹹 我同我女朋友第一啖擺落口 已經心領神會咁望住對方 係瀨嘢嘅眼神。杯酒就冇乜洒味上餐速度都幾慢，由其是個意大利雲吞 我親自計過時 由落咗單到上菜用咗1個鐘 途中我已經吹過2次單，唔講以為個意大利雲吞係意大利搭緊飛機嚟香港。環境方面開頭入到覺得個vibe唔錯嘅，之後坐耐咗覺得有少少嘈 因為個音量開到好大大 差唔多係落club 音量再細多2度咁
一入到去氣氛的確係幾好又有DJ係度打碟。一坐低侍應就同我地講話用餐時間為1小時45分而每人亦要嗌一杯酒，我就覺得用餐時間冇問題但係點解一定要每人嗌一杯酒 仲要啲洒鬼死咁貴杯都成$148。我哋分別叫咗安格斯肉眼扒$368、黑松露牛肝菌意大利雲吞$188、兩杯野飲$296、Tiramisu $138再加埋免費送嘅三種味薯條。
薯條都冇乜特別 中規中矩咁比起M記好食少少咁。牛扒叫咗medium well 冇overcooked 的 但是冇乜肉汁 味道普普通通咁。之後個意大利雲吞先不得了，味道太濃同埋鹹 我同我女朋友第一啖擺落口 已經心領神會咁望住對方 係瀨嘢嘅眼神。杯酒就冇乜洒味
上餐速度都幾慢，由其是個意大利雲吞 我親自計過時 由落咗單到上菜用咗1個鐘 途中我已經吹過2次單，唔講以為個意大利雲吞係意大利搭緊飛機嚟香港。
環境方面開頭入到覺得個vibe唔錯嘅，之後坐耐咗覺得有少少嘈 因為個音量開到好大大 差唔多係落club 音量再細多2度咁，傾計要講到好大聲對方先會聽到 一係就咬耳仔。
我地最尾total 係$1074 服務費10%但係完全feel唔到有咩服務。
張貼
