No Milkshake No Life (白田街)

營業中

休息中

NMNL位於石硤尾同深水埗既交界，如果搭地鐵去既話深水埗應該方便少少。舖頭位於往美荷樓同嘉頓山既斜路處，好易搵到！NMNL行美國街頭風，清水樓既石屎牆身配搭木板。 裝修雖然唔算特別華麗，但都好多打卡位。店如其名，佢地招牌就係奶昔！佢地有多款唔同口味既奶昔，今次我就叫左佢地既招牌 - 皇者焦糖花生醬煙肉奶昔。奶昔既奶香味好重🍼，而個底係雲呢拿味。奶昔打得好好，唔會太過稀好似水汪汪咁，又唔會打唔碎d冰好似沙冰咁。花生醬味都好濃好香，奶昔既濃稠程度係岩岩好！大讚！🥰特別加入鹹鹹地既煙肉，飲落甜中帶鹹，脆脆地煙肉🥓令到奶昔既口感更加豐富。今次唔夠時間慢慢坐低試下佢其他既出品，淨係外賣左一杯奶昔。 奶昔既出品係幾好，但價錢確實係偏貴，總體而言一試無妨。