影片
營業時間
今日營業
11:00 - 19:00
星期一
全日休息
星期二至三
11:00 - 18:30
星期四至日
11:00 - 19:00
公眾假期
11:00 - 19:00
公眾假期前夕
11:00 - 19:00
*最後落單: 17:30
以上資料只供參考, 請與餐廳確認詳情
📸餐廳用美式風格裝修，店內個個角落都係打卡位🪑位置闊落，坐得舒服👍🏻💯店員服務態度好好，甚至會主動介紹招牌菜式，好耐冇遇到有禮又友善嘅後生店員🫶🏻食物方面，今次叫咗拉絲三文治、和牛burger 同兩杯Milkshake，全部都好味，咬第一啖已經覺得值得下次再encore👍🏻🥪麻辣手撕雞拉芝士治配香辣薯條三文治焗得超脆口，重點係包體搽咗蜜糖先焗🍯，食落甜甜辣辣好過癮👍🏻拉絲芝士雖然拉唔出絲🧀，但份量絕無手軟。麻辣手撕雞偏辣🌶️，怕辣者應該食唔晒。或者就係引你食食下配返杯 Milkshake 解辣，兩者夾埋又係幾爽😌。 本身諗住薯條只係伴碟用，食幾條算。點知佢呢個幼度又啱啱好炸得好鬼脆，搞到忍唔住一條接一條。辣粉雖然唔太辣，但我覺得如果提供普通鹽味薯條，整體味道會balance 啲，唔會太過重口味。🥜🥓皇者焦糖花生醬煙肉奶昔呢間餐廳真係冇改錯名，奶昔係出色過主食。我一向唔鍾意食煙肉，但就鍾意鹹甜配搭嘅嘢食。見店員大力推薦，我一於叫嚟試下。一飲果然有驚喜！花生醬味夠濃但又唔漏，嗒落有淡淡唔假嘅焦糖香，煙肉攪到好似平時飲嘅胚芽咁碎，即使融入奶昔之中，咬落去仍然覺得有啲脆口，勁。第一次如此認同煙肉嘅存在價值🙂↕️。🍔和牛芝士太陽蛋漢堡配芝士薯條 (芝士薯條+$10)當中和牛有驚喜，牛味重，感覺到係真材實料。至於個包同其他配料就冇乜特別。芝士薯條我個人嚟講一般，因為個包已經濃味，薯條再加芝士令我味蕾更加疲勞，食唔出芝士嘅香。加上芝士醬仲令個薯條淋咗，有少少畫蛇添足。鍾意食脆口薯條嘅你建議叫返普通香辣薯條。🍌🍫香蕉朱古力奶昔 飲得出係用真香蕉整，呢杯適合鍾意飲香蕉，但又唔想淨係得香蕉味咁單調嘅人飲。相反，如果你期待飲到超濃朱古力味，呢杯未必最適合你。呢杯朱古力味相對比較淡。雖然一直堅持留港消費，但客觀嚟講都深知而家能夠遇到環境好、態度好、食物好嘅香港餐廳實屬難得。即使定價稍進取，都希望喺我afford 到嘅範圍內繼續支持香港小店。
繼續閱讀
食物欠佳，言過其實，唔明點解有咁多推介post . 只適合打卡環境還有,收10% service charge , 還要去counter 落單…那麼有甚麼服務提供？ 中伏的體驗！冇下次，完。had a very disappointing dining experience. The food was subpar, and it’s puzzling why there are so many recommended posts when it seems more suitable for just taking photos. Additionally, charging a 10% service fee while requiring customers to order at the counter raises questions about what service is actually being provided. Really bad experience
繼續閱讀
之前係西營盤食過一次覺得好食今次試石硤尾店 入到去好好彩唔駛排隊一坐低就有店員好細心咁斟左水俾我地我地望左個餐牌2 3分鐘都冇idea店員又行過黎介紹佢既推介 我覺得係細心既美式班戟漢堡 $111好大份 我覺得一個女仔唔會食得晒班戟入面都好多料 有幾塊煙肉 一隻太陽蛋 一個大啡菇 班戟上面仲會多隻太陽蛋 但個人認為上下嗰兩塊班戟太厚 再薄少少會好啲 糖漿會另外上 可以根據個人口味加入適量既糖漿 整體食落都中規中矩蘑菇烤芝士治配香辣薯條 $89我地加左$20要炒蛋 店員推介送到上黎都嚇一嚇 係個芝士治上面有大量木魚 心諗木魚同三文治會夾咩 但感覺一般佢個蘑菇直條薄切 口感上一般 主要都係靠佢一齊炒果個醬 因為佢個芝士唔多 芝士味唔係話好出 值得一讚既係佢個包烤得好脆 香辣薯條係幼身既 冇乜特別香蕉朱古力奶昔 $59香蕉味唔係好出 朱古力味好濃 個奶昔好順軟 都好飲既總結: 西營盤果間出色啲 雖然位置有限石硤尾嘅野食一般 有機會可以試下個和牛漢堡 之前食過唔錯
繼續閱讀
呢一間餐廳淨係開晏晝架咋 要食嘅就要趁早啦呢度D食物好邪惡😈嗌咗個雙層pancake burger，幾好食但超heavy🤣女仔食幾啖應該滯左另外試咗花生醬煙肉milkshake，花生味濃加上脆脆地嘅煙肉，幾特別至於key lime pie milkshake就覺得怪怪地😂都係正正經經食返檸檬撻好過
繼續閱讀
今次去咗深水埗嘅美式快餐店覓食，No Milkshake No Life，主打奶昔，而餐廳結合咗日系同美系嘅玩味風格，餐廳設計型格又時尚，非常適合打卡。皇者焦糖花生醬真脆煙肉奶昔呢杯奶昔味道非常濃郁，配搭埋花生醬，香氣十足，而且口感非常順滑，甜度亦拿捏得恰到好處。而當中嘅煙肉碎，為奶昔增添咗口感同獨特風味，非常有層次。經典烤芝士治配香辣薯條(加配和牛)麵包選用了酸種麵包，經過烘烤後非常香脆，配搭芝士嘅內餡同埋查左既蜜糖，帶嚟鹹甜交織嘅驚喜口感。和牛肉質軟嫩，牛味濃郁，薯條則非常香脆，雖然係辣味薯條，但亦都唔係好辣。和牛芝士太陽蛋漢堡配薯條 (加芝士)改用了炒蛋，炒蛋非常嫩滑，和牛漢堡保持濃厚牛味，而當中的洋蔥非常突出，洋蔥炒到焦香，非常入味。芝士薯條淋上充足嘅芝士醬鹹香十足。
繼續閱讀
您可能會有興趣的...