影片
更多
2025-05-15
0 瀏覽
嚟元朗探朋友班，順便一齊食餐飯。友人提議去吃燒肉，帶咗我嚟元點 1 樓呢間來自佐賀嘅人氣燒肉店「YAKINIKU KAKURA」。餐廳主打九州產極上A5等級黑毛和牛，並會供應不少罕有嘅牛肉部位作燒烤。我哋點咗 2 個燒肉定食，套餐配有白飯、沙律、餐湯、小食、甜品及餐飲。黑毛和牛大判燒拼US牛板腱肉：西冷大大塊，油花分佈非常均勻，燒到約 7 成熟就食得，肉質軟滑肥美，每一啖都帶濃郁和牛油香，沾蛋汁享用，入口即溶。牛板腱肉水準亦唔錯，肉色鮮紅明亮，而且喺燒烤嘅過程中，油脂會滋滋地流出，入口香味四溢。牛舌盛合：有鹽味上牛舌同蔥鹽味 2 款，鹽味上牛舌好有咬口，肉質醇香，入口軟嫩多汁；蔥鹽味更加出色，不但口感爽脆，而且仲多咗份獨特蔥香，惹味非常。加咗碟和牛腹柳小排同黑毛豚無骨小排，腹柳小排肉質好腍，油脂分佈完美，入口甘香豐腴。豚小排肥瘦適中，食落口感帶少少爽脆，一啲都唔柴。最後仲有雪米糍同杏仁豆腐做甜品，為這頓午餐完美作結。
嚟元朗探朋友班，順便一齊食餐飯。友人提議去吃燒肉，帶咗我嚟元點 1 樓呢間來自佐賀嘅人氣燒肉店「YAKINIKU KAKURA」。
餐廳主打九州產極上A5等級黑毛和牛，並會供應不少罕有嘅牛肉部位作燒烤。
我哋點咗 2 個燒肉定食，套餐配有白飯、沙律、餐湯、小食、甜品及餐飲。
黑毛和牛大判燒拼US牛板腱肉：西冷大大塊，油花分佈非常均勻，燒到約 7 成熟就食得，肉質軟滑肥美，每一啖都帶濃郁和牛油香，沾蛋汁享用，入口即溶。
牛板腱肉水準亦唔錯，肉色鮮紅明亮，而且喺燒烤嘅過程中，油脂會滋滋地流出，入口香味四溢。
牛舌盛合：有鹽味上牛舌同蔥鹽味 2 款，鹽味上牛舌好有咬口，肉質醇香，入口軟嫩多汁；蔥鹽味更加出色，不但口感爽脆，而且仲多咗份獨特蔥香，惹味非常。
加咗碟和牛腹柳小排同黑毛豚無骨小排，腹柳小排肉質好腍，油脂分佈完美，入口甘香豐腴。豚小排肥瘦適中，食落口感帶少少爽脆，一啲都唔柴。
最後仲有雪米糍同杏仁豆腐做甜品，為這頓午餐完美作結。
張貼
