豐信餃子店

營業中

休息中

不嬲都好鍾意食餃子，豐信餃子食過N咁多次，之前仲會特登過嚟買生餃屋企煮🤣最愛佢哋嘅餃子粒粒脹卜卜，又多餡！✨南瓜粟米鮮肉餃併麻辣白菜鮮肉餃 ❣️雙併加$2 ；南瓜鮮肉餃：入面嘅南瓜餡綿密又香甜，加埋粟米香脆嘅口感，正！麻辣白菜鮮肉餃 ；白菜好有口感，夠爽脆！而且食落多咗浸麻辣味，幾過癮👍🏻 除咗餃子好食，都好鍾意飲佢哋個湯：椰子海帶鮮雞豬骨濃湯，帶有淡淡嘅椰子香，平時都會飲晒成碗🤣✨邪惡金沙餃（香菇鮮肉餃）❣️每次嚟都一定會食呢個金沙餃（本人係鹹蛋黃愛好者）配煎餃真係冇得頂🙌🏻而且香菇唔會切得太碎，仲保留到啲口感，好食！✨涼拌爽脆竹筍❣️竹筍係片裝，每一塊食落都好爽脆，正