影片
更多
2014-04-07
849 瀏覽
啱啱過左我2x生日!朝早同男朋去完海浪公園同自由行迫住咁慶祝完生日，苦惱緊夜晚仲要去邊度同大陸人迫個陣…男朋友提議不如去赤柱走一轉! 之後我地係就公園出邊等小巴入去!去到赤柱，見都都係好多人! 但大部分都係外國人而唔係強國人! 即刻心情都更加開心!係太多選擇之下我地簡左最尾既依間餐廳，因為佢感覺上佢唔迫同環境舒適，唔會左右都比其他餐廳夾住。坐底左之後我地就開始叫野食，我同男朋友都係好酒之人, 所以我地點左2個可以送BEER既小食 - 炸雞粒 + 炸薯角, 仲叫左個我最愛既沙津 - 泰式牛肉沙津, 之後有個蕃茄煮青口, 最後叫左個繪牛肶.炸雞粒同炸薯角2款都好食, 但要我2者我比較喜歡炸雞粒, 因為佢炸得黎啲肉仲好多汁, 仲要帶少少辣辣地. 要黎送BEER係一流, 所以韓國電視劇都係啤酒拼炸雞!!!! 泰式牛肉沙津去泰國旅行, 除左公車腩霸之外每餐必叫既食品之一, 雖然水準未話可以達到神級, 但都係我係香港食咁多次黎最好既一次,牛肉唔會硬, 食落都好有牛味, 唔會比啲香料搶晒啲牛肉味, 又係帶少少辣辣地, 食完好開胃蕃茄煮青口依一味係待應姐姐介紹, 佢話佢地啲青口都係每日有限, 所以我地
朝早同男朋去完海浪公園同自由行迫住咁慶祝完生日，苦惱緊夜晚仲要去邊度同大陸人迫個陣…男朋友提議不如去赤柱走一轉! 之後我地係就公園出邊等小巴入去!
去到赤柱，見都都係好多人! 但大部分都係外國人而唔係強國人! 即刻心情都更加開心!
係太多選擇之下我地簡左最尾既依間餐廳，因為佢感覺上佢唔迫同環境舒適，唔會左右都比其他餐廳夾住。
坐底左之後我地就開始叫野食，我同男朋友都係好酒之人, 所以我地點左2個可以送BEER既小食 - 炸雞粒 + 炸薯角, 仲叫左個我最愛既沙津 - 泰式牛肉沙津, 之後有個蕃茄煮青口, 最後叫左個繪牛肶.
炸雞粒同炸薯角
2款都好食, 但要我2者我比較喜歡炸雞粒, 因為佢炸得黎啲肉仲好多汁, 仲要帶少少辣辣地. 要黎送BEER係一流, 所以韓國電視劇都係啤酒拼炸雞!!!!
泰式牛肉沙津
去泰國旅行, 除左公車腩霸之外每餐必叫既食品之一,
雖然水準未話可以達到神級, 但都係我係香港食咁多次黎最好既一次,
牛肉唔會硬, 食落都好有牛味, 唔會比啲香料搶晒啲牛肉味, 又係帶少少辣辣地, 食完好開胃
蕃茄煮青口
依一味係待應姐姐介紹, 佢話佢地啲青口都係每日有限, 所以我地拿拿林叫佢比一碟我地
黎到, 我男朋友話佢地依隻係藍青口, 對於一個只係會食同瞓既我黎講, 唔明藍青口有咩咁特別, 但青口粒粒都好大好肥, 加左茄汁有d酸酸味味咁, 又係一個開胃菜~!
個待應姐姐仲教我地食完D殼可以放係碟邊, 咁就唔會成個碟都係殼放唔到其他野~真係又有得食又有得學野~
繪牛肶
本黎我地係想試豬仔肶, 但可惜...賣完了T^T
又係每日限量, 大家想試的話可以試下打黎試下可唔可以訂,
待應姐姐話牛同豬做法一樣, 問我地試唔試下, 所以我地ORDER左黎試~
牛肶好林身, 但牛味依然有, 加埋D汁一齊食...冇100分都有90分...
我相信豬會比牛更好食， 下次有機會一定要試
生日唔小得蛋糕。叫左個心太軟!
黎到個陣， 全場播起生日歌! 食客們都向住我拍手， 待應姐姐們都同我講生日快樂。
個一刻雖然好老尷， 但其實都好開心!
食到尾先記起， 影相呀！
以下d相係有d不雅， 但因為掛住食唔記得影!
最後…我同男朋友一致認為會再黎食過。 因為佢個酒list有好多酒。 完全啱我地依啲酒鬼。
咁既質素收依個價錢我覺得合理。 服務雖然未去到5星級酒店水準。 但佢地個個都好nice. 同埋睇得出佢地好用心去照顧每一個客人。 仲會好主動咁問你有咩須要同傾幾句。令我有賓至如歸既感覺！
張貼
