Leela

營業中

休息中

我哋喺Leela慶祝咗一個特別嘅母親節早午餐，一入到門口已經覺得好靚！店面簡潔得來又優雅，融合咗現代印度風格，好吸引到我哋。到咗之後，接待職員好好笑容咁迎接我哋，然後店員帶咗我哋去到我哋嘅枱。我哋坐喺個陽光充足嘅地方，啱啱喺balcony旁邊，天氣又好，大家心情更好。我哋唔係咁熟悉印度菜，所以直接問咗女侍應推薦啲咩。佢好helpful，跟據我哋嘅要求，比如話要少啲辣，然後介紹咗餐廳獨有嘅特色菜，仲有週末special。對於每道菜背後嘅故事同每種材料嘅解釋都好詳細，令我哋整個飲食體驗唔單止係味道同香氣上，仲包括咗製作過程嘅理解，真係一個好好嘅體驗。每道菜都擺盤好精緻，當然亦都好好味。喺Leela嘅體驗真係令人難忘，我哋一定會再嚟試其他菜。強烈推薦「bone marrow biryani」、「coconut sea bass」同「tandoori chicken musallam」。