影片
更多
2024-05-22
1861 瀏覽
🤔MM介紹嘅泰菜伏唔伏🇹🇭話説睇完MM 介紹呢間泰國菜🇹🇭聽到佢哋有好多泰國客人同埋咁多年都好受附近酒吧客歡迎，覺得應該係水準之作，今次就嚟試下佢啦！舖頭唔係好大，我哋6點去到（6點開門）已經 full 曬！等到大概7點先入得~ 一嚟就整返支泰啤先~ 🍺等位嘅時候已經一早睇好餐牌，所以一嚟就目標明確點餸~燒牛肉！份量十足，烤得勁香，係肉眼可見嘅粉紅色牛牛，可遇不可求呀！肉味濃兼夾滑嫩！必食！😋醉貓炒河嘅河粉好闊又好滑，完全唔會散修修證明夠新鮮！炒得好夠火候🔥令辣辣嘅調味沾滿每一個角落，啖啖都食得好過癮海鮮粉絲沙律係酸辣口味，呢個個人覺得比醉貓炒河更加辣🌶️🥵十分開胃，有蝦有魷魚有蟹柳，不過最正嘅係索滿汁嘅粉絲~夏天食一流！個胃空間有限未食到生蝦，生菜包同埋蟹肉奄列。唯有留待下回~
話説睇完MM 介紹呢間泰國菜🇹🇭聽到佢哋有好多泰國客人同埋咁多年都好受附近酒吧客歡迎，覺得應該係水準之作，今次就嚟試下佢啦！
舖頭唔係好大，我哋6點去到（6點開門）已經 full 曬！等到大概7點先入得~ 一嚟就整返支泰啤先~ 🍺等位嘅時候已經一早睇好餐牌，所以一嚟就目標明確點餸~
燒牛肉！份量十足，烤得勁香，係肉眼可見嘅粉紅色牛牛，可遇不可求呀！肉味濃兼夾滑嫩！必食！😋
醉貓炒河嘅河粉好闊又好滑，完全唔會散修修證明夠新鮮！炒得好夠火候🔥令辣辣嘅調味沾滿每一個角落，啖啖都食得好過癮
海鮮粉絲沙律係酸辣口味，呢個個人覺得比醉貓炒河更加辣🌶️🥵十分開胃，有蝦有魷魚有蟹柳，不過最正嘅係索滿汁嘅粉絲~夏天食一流！
個胃空間有限未食到生蝦，生菜包同埋蟹肉奄列。唯有留待下回~
張貼
