Mano (The L. Square)

週末去銅鑼灣覓食，搵到間上樓cafe，3 course 最平百零蚊已有交易，上菜速度快而且水準還算不錯，下次可以再試其他種類。🍴香桃車厘茄水牛芝士沙律⭐️⭐️⭐️⭐️一般只有凱撒沙律，呢款沙律好新鮮水牛芝士好味。🍴青豆忌廉湯⭐️⭐️⭐️有淡淡豆味，青豆碎增潻口感，感覺健康。🍴燒豬梅頭扒拼薯條 $128⭐️⭐️⭐️豬扒味道唔錯肉夠腍，不過燒得燶過頭影響口感；薯條夠熱外脆內軟，好味。🍴芝士焗牛肝菌釀脆炸雞胸 $148⭐️⭐️⭐️雞扒size超大件，整體味道唔錯，芝士牛肝菌份量平均，可惜雞扒有點鞋，唔夠juicy。🍴咖啡慕絲蛋糕⭐️⭐️⭐️⭐️好香咖啡味，食落唔會覺得膩，份量又剛好。二人共消費：$304