影片
更多
2023-10-25
56 瀏覽
一直都有留意City Dancer Grill & Live Music Bar，有live music，有格調嘅裝修，位於灣仔30樓高嘅Music Bar餐廳，仲有空中花園。最近見佢有個空中花園BBQ set，終於有時間可以去試下。可惜用餐當日落雨，無得喺空中花有園BBQ，不過餐廳都幫我地安排喺室內享用BBQ串燒set，經理吩咐廚房先將串燒烹調好再上菜，照得有食！我哋係set 1-3入面揀左set 2，有燒扇貝、生蠔、多春魚、娃娃菜、豬腩肉、翠玉瓜、雞串同冬菇，所有串燒放曬係木盤上面，賣相非常豐富，仲有三款醬汁提供，蒜茸醬、沙嗲醬同埋泰式酸辣汁。燒扇貝同燒生蠔都係喺面放上蒜茸去燒，加上海鮮嘅鮮味，諗返起都流口水。另外燒豬腩肉我哋點左泰式酸辣汁，估唔到係咁夾，推薦大家試下！每款串燒都各有2串，而且份量每串都唔少，二人份量啱啱好。 呢到另一個賣點就係佢哋嘅cocktail玩味十足，無論係cocktail嘅組合同外觀都設計得好特別。我地揀左呢杯帝女花之庵遇，一聽個名就知道唔簡單，先講外觀，餐廳浮誇地用了一個首飾盒裝上兩杯以古代中式茶杯裝住嘅cocktail，絕對啱晒打卡呃like！至於co
最近見佢有個空中花園BBQ set，終於有時間可以去試下。
可惜用餐當日落雨，無得喺空中花有園BBQ，不過餐廳都幫我地安排喺室內享用BBQ串燒set，經理吩咐廚房先將串燒烹調好再上菜，照得有食！
我哋係set 1-3入面揀左set 2，有燒扇貝、生蠔、多春魚、娃娃菜、豬腩肉、翠玉瓜、雞串同冬菇，所有串燒放曬係木盤上面，賣相非常豐富，仲有三款醬汁提供，蒜茸醬、沙嗲醬同埋泰式酸辣汁。
燒扇貝同燒生蠔都係喺面放上蒜茸去燒，加上海鮮嘅鮮味，諗返起都流口水。
另外燒豬腩肉我哋點左泰式酸辣汁，估唔到係咁夾，推薦大家試下！每款串燒都各有2串，而且份量每串都唔少，二人份量啱啱好。
呢到另一個賣點就係佢哋嘅cocktail玩味十足，無論係cocktail嘅組合同外觀都設計得好特別。
我地揀左呢杯帝女花之庵遇，一聽個名就知道唔簡單，先講外觀，餐廳浮誇地用了一個首飾盒裝上兩杯以古代中式茶杯裝住嘅cocktail，絕對啱晒打卡呃like！
至於cocktail部分，係由vodka、大吉嶺紅茶、桂花、紹興酒同蜜糖調配而成，聞落有少少花香味，而味道以紹興酒為主，帶有少少蜜糖嘅甜味。
最後叫咗個虎蝦仔煙肉番茄意大利麵作結，虎蝦仔好香蝦味，意大利麵口感啱啱好，整個意粉嘅番茄味好濃，味道偏酸非常fresh，即使已經食左個BBQ set再食都唔會覺得滯。
當晚的live band接受點歌，店員都好幫手咁比點歌紙我哋同邀請我哋點歌。係咁有氣氛嘅環境下，邊欣賞live band表演，邊與友人傾偈chill下，不經不覺就過左一晚。推介大家可以試下，好好嘅用餐體驗。
張貼
