酒屋一杯喜

營業中

休息中

今日朋友帶左我去一間勁好氣氛嘅居酒屋，7點半後有live band,仲可以點歌，比起一般串燒店，食物選擇更加多同精緻。♡炸蛋白松露油吞享魚薯仔沙律 $88前菜食個沙律已經有驚喜，白松露油好香，配半熟蛋同吞拿魚薯仔好夾，只係份量比較少。♡稻草燒鯖魚 $158貴係有原因，真係超好食，煙薰個味保持好耐，而且肉質鮮嫩，完全唔洗加醬汁。♡牛の壽喜鍋 $168壽喜燒熱鍋上，有粉絲，娃娃菜，豆腐，冬菇，金針菇，牛肉好滑好靚。♡吞拿魚茶漬飯 $138厚切吞拿魚部位好靚，泡鰹魚湯，茶香十足。♡川海老唐揚$68蝦乾仔好肥好大粒，送酒一流♡雞中翼 $45♡雞肝 $42♡墨魚香腸 $42♡七里香 $62唔夠食加左幾份串燒，七里香係厚版燒雞皮，勁好食。