影片
更多
2024-09-26
517 瀏覽
之前已經喺大埔拜訪過佢總店，嗰次係一個好好嘅體驗。呢排知道佢喺中環蘭桂坊開咗分店，梗係要去支持啦。分店跟總店一樣以暗紅色為主調。店內有一座白色嘅鋼琴，以玫瑰花作襯托。望住Bartender調酒，又增添咗一份氣氛。我哋叫咗兩杯Cocktail($138x2)，一個忌廉加拿大海膽扁意粉（$298）同埋一個8個course嘅龍蝦set （$1,388 per person).忌廉加拿大海膽扁意粉：魚子醬同埋金箔喺加拿大海膽上面，增添幾分貴氣。扁意粉質感唔錯，帶點咬口。1st-澳洲小龍蝦刺身：唔好睇佢細細碟，龍蝦刺身都有四大片。做得刺身級，當然有新鮮嘅保證，刺身質感爽彈。2nd-招牌鵝肝龍蝦蛋撻：熱辣辣焗出嚟嘅蛋撻。香濃嘅鵝肝同埋龍蝦味。3rd-炸法國康提芝士軟殼龍蝦沙律：軟殼蟹食得多，軟殼龍蝦我真係第一次食。岩岩炸起好香口。4th-法式傳統澳洲活龍蝦湯：配咗一片香脆嘅蒜蓉包。龍蝦味濃郁。質感幼滑。5th-煙燻原隻澳洲龍蝦：火候控制得好好。咬落去好Juicy。龍蝦肉彈牙鮮味6th-法國活濃龍蝦汁配是日精選牛：牛肉味濃郁，牛肉易切開。係五成熟嘅程度。7th-法式龍蝦帶子薏米飯：賣相超級靚。用大貝
之前已經喺大埔拜訪過佢總店，嗰次係一個好好嘅體驗。呢排知道佢喺中環蘭桂坊開咗分店，梗係要去支持啦。
分店跟總店一樣以暗紅色為主調。店內有一座白色嘅鋼琴，以玫瑰花作襯托。望住Bartender調酒，又增添咗一份氣氛。
我哋叫咗兩杯Cocktail($138x2)，一個忌廉加拿大海膽扁意粉（$298）同埋一個8個course嘅龍蝦set （$1,388 per person).
忌廉加拿大海膽扁意粉：魚子醬同埋金箔喺加拿大海膽上面，增添幾分貴氣。扁意粉質感唔錯，帶點咬口。
1st-澳洲小龍蝦刺身：唔好睇佢細細碟，龍蝦刺身都有四大片。做得刺身級，當然有新鮮嘅保證，刺身質感爽彈。
2nd-招牌鵝肝龍蝦蛋撻：熱辣辣焗出嚟嘅蛋撻。香濃嘅鵝肝同埋龍蝦味。
3rd-炸法國康提芝士軟殼龍蝦沙律：軟殼蟹食得多，軟殼龍蝦我真係第一次食。岩岩炸起好香口。
4th-法式傳統澳洲活龍蝦湯：配咗一片香脆嘅蒜蓉包。龍蝦味濃郁。質感幼滑。
5th-煙燻原隻澳洲龍蝦：火候控制得好好。咬落去好Juicy。龍蝦肉彈牙鮮味
6th-法國活濃龍蝦汁配是日精選牛：牛肉味濃郁，牛肉易切開。係五成熟嘅程度。
7th-法式龍蝦帶子薏米飯：賣相超級靚。用大貝殼裝住燒過嘅龍蝦帶子三文魚子同埋薏米。
8th-龍蝦柚子雪葩：雪花質感幼滑。柚子味甜甜地幾好。
Cocktail: dream嘅味道酸酸may may，好啱夏天飲。而荔枝Cocktail，帶點果香，女仔好岩。
張貼
